კუბური წარმოშობის პოპ შემსრულებელმა, კამილა კაბეიომ სოციალურ ქსელ ტვიტერზე თავისი მომავალი, რიგით მესამე ალბომის Familia ტრეკლისტი გამოაქვეყნა. 12 კომპოზიციისგან შემდგარ სტუდიურ ნამუშევარში, რომელიც 8 აპრილს ჩაეშვება გაყიდვაში, მოწვეული არტისტის რანგში მომღერლები: ედ შირანი, უილოუ, მარია ბეკერა და იოტუელ რომერო გვხვდებიან.
Familia next Friday! Any guesses which will be your favorite? https://t.co/1s4lLqPp6T pic.twitter.com/TpBcq6eEa6
— camila (@Camila_Cabello) March 31, 2022
აღსანიშნავია, რომ მუსიკოსმა ახლახან სოციალურ ქსელში ორი ახალი კომპოზიციის ნაწყვეტი გააზიარა, თუმცა მათი სახელები არ გამოუქვეყნებია. მანამდე კი მან საქველმოქმედო კონცერტში Concert for Ukraine მიიღო მონაწილეობა, სადაც ედ შირანთან ერთად მომავალ სტუდიურ ჩანაწერში შესული სიმღერა Bam Bam შეასრულა.
• ნახეთ: კამილა კაბეიო და ედ შირანი სიმღერას Bam Bam ასრულებენ
კამილამ მუსიკალური კარიერა 2012 წელს ამერიკული “იქს ფაქტორის” მონაწილეებისგან შემდგარ ჯგუფში Fifty Harmony დაიწყო. სადებიუტო, პლატინის სტატუსის მქონე სოლო ალბომი Camila მან 2018 წელს გამოუშვა და Billboard 200-ის ჩარტში პირველი ადგილიც დაიკავა. შემსრულებლისთვის კომერციულად წარმატებული სინგლები Havana და Senorita გამოდგა, რომლებიც ბილბორდის ცხელი ასეულის სათავეში მოექცნენ. პირველმა ბრილიანტის სტატუსიც დაიმსახურა. შედეგად კაბეიო პირველი ესპანურენოვანი ქალი შემსრულებელი გახდა, რომელმაც მსგავს წარმატებას მიაღწია.
