მოუსმინეთ: Glass Animals-მა ლორდის Solar Power დააქავერა

Glass Animals
ფოტო: Steven Dewall/Getty Images

ბრიტანული ინდი როკ ბენდი Glass Animals ცნობილი ახალზელანდიელი მუსიკოსის, ლორდის 2021 წლის კომპოზიციის Solar Power ქავერ ვერსიას ავრცელებს. ნამუშევარი სერიის Spotify Singles ფარგლებში ჩაიწერა. სიმღერა “გლას ენიმალსის” სინგლის I Don’t Wanna Talk (I Just Wanna Dance) ბი-საიდზეა წარმოდგენილი.

მუსიკალურმა პლატფორმამ Spotify თავის პროექტში მონაწილეობის მისაღებად წლევანდელ გრემიზე საუკეთესო ახალბედა არტისტის ნომინაციაში წარდგენილი შემსრულებლები მიიწვია, რომლებსაც წარსულში ამავე კატეგორიაში დასახელებული მუსიკოსების ნამუშევრების ალტერნატიული ვერსიების შექმნა სთხოვეს.

“Solar Power იმიტომ ავირჩიე, რომ მაშინ, როდესაც ყველა სახლებში ვიყავით გამოკეტილი, სიმღერამ თავი სანაპიროზე მაგრძნობინა. იმ დროს ეს ყველას გვჭირდებოდა. საოცარი კომპოზიციაა და თავში ისედაც მიტრიალებდა მისი შედარებით სწრაფი ვერსია, რომელშიც გუნდის მიერ შესრულებული გოსპელის ელემენტები იქნებოდა გამოყენებული”, – აღნიშნა ბენდის ფრონტმენმა, დეივ ბეილიმ გავრცელებულ პრესრელიზში.

“გლას ენიმალსის” გარდა, გრემიზე საუკეთესო ახალბედა არტისტის კატეგორიაში წარდგენილი არიან: Arooj Aftab, Jimmie Allen, Baby Keem, Finneas, Glass Animals, Japanese Breakfast, The Kid Laroi, Arlo Parks, Olivia Rodrigo და Saweetie.

მოუსმინეთ: Japanese Breakfast-მა Bon Iver-ის Skinny Love დააქავერა

Glass Animals ქალაქ ოქსფორდში 2010 წელს შეიქმნა. 2014 წელს ჯგუფმა სადებიუტო ალბომი Zaba გამოუშვა, ორი წლის შემდეგ კი რიგით მეორე სტუდიური ჩანაწერი How to Be a Human Being გამოსცა. ბენდს ამ დრომდე სამი ნამუშევარი აქვს გამოქვეყნებული. მუსიკოსების ჰიტმა Heat Waves პლატფორმა Spotify-ზე მილიარდი ნახვა დააგროვა, აგრეთვე, ბილბორდის ცხელ ასეულში მოიპოვა პირველი ადგილი. “გლას ენიმალსის” შემოქმედება ფსიქოდელიურ პოპსა და არტ პოპს აერთიანებს.

Share
Tweet
Share
Share
Share

წინა სტატია

ბრიტნი სპირსი: სელენა გომესმა ახალი ტატუს გაკეთება შთამაგონა

შემდეგი სტატია

ნახეთ: კამილა კაბეიო მომავალი ალბომის Familia ტრეკლისტს აქვეყნებს

შეიძლება დაგაინტერესოთ

LF’E ფოტო: ნინუცა კაკაბაძე

LF’E-ის მუსიკა, რომელიც გულწრფელ შინაგან განცდებს გადმოსცემს

„ჩვენი მუსიკის მთავარი იდეა არის იმ განცდების და მდგომარეობის გადმოცემა, რასაც სიტყვებით ხშირად ვერ ვახერხებთ. როგორ ვიბრძვით საკუთარ თავთან ან გარემოსთან, როგორ ებმის ერთმანეთს რეალობა და დელუზია. ჩვენი მესიჯი არ არის მხოლოდ ერთი კონკრეტული ფრაზა, ეს არის მუდმივი ძიება და კითხვები.“
მეტი

ტეილორ სვიფტმა ალბომები დაიბრუნა, თუმცა All Too Well-ის 10-წუთიანმა ვერსიამ სამუდამოდ განამტკიცა „ტეილორის ვერსიის” ალბომების მემკვიდრეობა 

მიუხედავად იმისა, რომ ამ ეტაპზე „ტეილორის ვერსიის” ალბომების მომავალი ბუნდოვანია, All Too Well (10-Minute Version)-ის კულტურული გავლენა უდავოა.
მეტი

სინდი ლოპერი როკ-ენ-როლის დიდების დარბაზში შესვლით ბედნიერია და როკში ქალების წვლილზე მიუთითებს

„გამარჯვება ერთისთვის ნიშნავს გამარჯვებას ყველასთვის,” - ამბობს მუსიკოსი.
მეტი