ცნობილი სამხრეთკორეული ბოიბენდი BTS წლევანდელ გრემის სცენაზე ჯეიმს ბონდის ესთეტიკით შთაგონებული პერფორმანსით წარდგა და ჰიტი Butter შეასრულა. კოლექტივი ცერემონიაზე აგრეთვე ჯგუფის მიერ საუკეთესო პოპ შესრულების ნომინაციაში იყო დასახელებული, თუმცა, ვერ გაიმარჯვა.
• 2022 წლის გრემის დაჯილდოების გამარჯვებულები
• ნახეთ: 2022 წლის გრემის წითელი ხალიჩა
გთავაზობთ ფოტოებს, რომლებზეც კორეელი ბიჭები ამერიკელ ვარსკვლავებთან ერთად არიან აღბეჭდილი.
BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.
