ნახეთ: Pink Floyd უკრაინის მხარდასაჭერ სიმღერას Hey Hey Rise Up ავრცელებს

ფოტო: Pink Floyd

ლეგენდარული ბრიტანული კოლექტივის Pink Floyd წევრები, დევიდ გილმორი და ნიკ მეისონი უკრაინის მხარდასაჭერად სიმღერას Hey Hey Rise Up ავრცელებენ. ეს ბენდის პირველი ნამუშევარია 1994 წლის ალბომის Division Bell შემდეგ. ბას გიტარაზე გაი პრატი უკრავს, კლავიშზე კი ნიტინ სოუნი. კომპოზიციაში, რომლის ვიდეორგოლზეც მეთ ვაიკროსმა იმუშავა, უკრაინული კოლექტივის Boombox წევრი, ანდრეი ხლივნიუკი მონაწილეობს.

“მრავალი სხვა ადამიანის მსგავსად, ჩვენც გაბრაზებული და ფრუსტრირებული ვართ მსოფლიოს ერთ-ერთი მთავარი სახელმწიფოს მიერ დამოუკიდებელ, მშვიდობიან, დემოკრატიულ ქვეყანაში შეჭრის და ხალხის დახოცვის გამო”, – განაცხადა გილმორმა, რომელსაც უკრაინელი რძალი ჰყავს.

ტრეკი 30 მარტს ჩაიწერა და მასში კიევში, სოფიას მოედანზე მდგარი ხლივნიუკის აკაპელაა გამოყენებული. სიმღერის გაყიდვებიდან შემოსული თანხა უკრაინის ჰუმანიტარული დახმარების ფონდს გადაერიცხება.

“ანდრეის დავურეკე და კომპოზიცია მოვასმენინე. ორივე ვიმედოვნებთ, რომ მომავალში ერთად უკვე სტუდიაში ვიმუშავებთ”, – დაამატა დევიდ გილმორმა.

“პინკ ფლოიდი” ერთ-ერთია იმ მრავალ არტისტს შორის, რომლებიც უკრაინის მხარდასაჭერად კონცერტებს ატარებენ ან ახალ კომპოზიციებს უშვებენ. ახლო მომავალში კიდევ ერთი საქველმოქმედი ღონისძიება Stand Up With Ukraine გაიმართება, რომელშიც ცნობილი მუსიკოსები: მაილი საირუსი, ბილი აილიში, უიქენდი და სხვები მიიღებენ მონაწილეობას.

Pink Floyd ლონდონში 1965 წელს ჩამოყალიბდა და მალევე მუსიკის ისტორიაში ერთ-ერთ ყველაზე წარმატებულ ბენდად იქცა. ჯგუფს სულ 15 სტუდიური ალბომი აქვს გამოშვებული, რომელთაგანაც 5 სხვადასხვა დროს ბილბორდის ჩარტებში პირველ ადგილს იკავებდა. განსაკუთრებით წარმატებული 1973 წელს გამოსული The Dark Side of the Moon გამოდგა, რომელიც Billboard 200-ში რეკორდული დროის, 943 კვირის განმავლობაში იმყოფებოდა.

Share
Tweet
Share
Share
Share

წინა სტატია

ნახეთ: ალიშა ქისი კლიპს City of Gods (Part II) ავრცელებს

შემდეგი სტატია

მოუსმინეთ: კამილა კაბეიომ მესამე ალბომი Familia გამოუშვა

შეიძლება დაგაინტერესოთ

სინდი ლოპერი როკ-ენ-როლის დიდების დარბაზში შესვლით ბედნიერია და როკში ქალების წვლილზე მიუთითებს

„გამარჯვება ერთისთვის ნიშნავს გამარჯვებას ყველასთვის,” - ამბობს მუსიკოსი.
მეტი
Metallica - Allegiant Stadium-ში 2022 წლის 25 თებერვალი, ლას ვეგასი, ნევადა. გიტარისტი - კირკ ჰამმეტი, დრამერი - ლარს ულრიხი, ფრონტმენი - ჯეიმს ჰეტფილდი და ბასისტი - რობერტ ტრუჯილიო ფოტო: ეთან მილერი / Getty Images

Metallica-მ გულშემატკივრებზე ორიენტირებული დოკუმენტური ფილმის Metallica Saved My Life-ის პირველი ოფიციალური ტრეილერი გამოუშვა

ფილმი იმ გულშემატკივრებზეა ფოკუსირებული, ვისზეც ბენდმა ცხოვრებისეული გავლენა მოახდინა, რეჟისორი კი Metallica-ს დიდი ხნის მეგობარი იონას აკერულნდია.
მეტი
Arcade Fire ფოტო: დენი კლინჩი

Arcade Fire-მა ახალი ალბომი Pink Elephant დააანონსა და  ალბომის წამყვანი სინგლი Year of the Snake გამოსცა

გარდა მუსიკისა, ჯგუფმა სპეციალურად გულშემატკივრებისთვის ახალი აპლიკაცია შექმნა, რომელიც მათ უნიკალურ კონტენტს, ალბომის მასალებსა და ინტერაქციას სთავაზობს.
მეტი

Imagine Dragons მთვარიდან სიმღერის ტრანსლირების სიურრეალისტურ გამოცდილებაზე საუბრობს

ამ კვირას ჯგუფისა და ლოს-ანჯელესის კინოორკესტრის ერთობლივ კონცერტზე გადაღებული დოკუმენტური ფილმიც გამოვა.
მეტი