A$AP Rocky ლოს ანჯელესის აეროპორტში დააკავეს

ფოტო: Edward Berthelot/GI

პოპულარული ნიუ იორკელი ჰიპ ჰოპ არტისტი, რაკიმ მეიერსი, სასცენო სახელით ASAP Rocky, ლოს ანჯელესის საერთაშორისო აეროპორტში გასული წლის ნოემბერში მომხდარ სროლასთან დაკავშირებით დააკავეს. ქალაქის პოლიციის სამმართველოს განცხადებით, რეპერი შეიარაღებულ თავდასხმაშია ეჭვმიტანილი. ბარბადოსიდან ჩამოფრენილ მუსიკოსს შეყვარებული Rihanna ახლდა.

საქმე 2021 წლის 6 ნოემბერს ჰოლივუდში მომხდარ სავარაუდო შემთხვევას უკავშირდება. მოქალაქის მტკიცებით, მას რეპერი მიუახლოვდა და რამდენჯერმე გაისროლა, შედეგად კი ერთმა ტყვიამ მარცხენა ხელი გაუკაწრა.

ცნობისთვის, 2019 წელს როქი თავდასხმის ბრალდებით შვედეთშიც დააკავეს. დაზარალებული ამტკიცებდა, რომ რეპერმა მას სცემა. არტისტმა გისოსებს მიღმა ხუთი კვირა გაატარა, რის შემდეგაც საპატიმრო დატოვა და ამერიკის შეერთებულ შტატებში დაბრუნდა. თუმცა, მოგვიანებით ის წარდგენილ ბრალდებაში დამნაშავედ ცნეს.

აღსანიშნავია, რომ რეპერი და მომღერალი რიანა ახლო მომავალში ბავშვს ელოდებიან. ხმები გავრცელდა წყვილის ნიშნობასთან დაკავშირებითაც მას შემდეგ, რაც რირი პაპარაცებმა საქორწინო ბეჭდით შენიშნეს. მუსიკოსები ერთმანეთს 2020 წლიდან ხვდებიან.

ეისეფ როქიმ შემოქმედებითი მოღვაწეობა 2007 წელს დაიწყო. მუსიკოსის დისკოგრაფია კომერციულად წარმატებულ ალბომებს Long.Live.A$AP და At.Long.Last.A$AP მოიცავს, რომლებიც Billboard 200-ის ჩარტის სათავეში მოხვდნენ. 2018 წელს შემსრულებელმა დღეისათვის ბოლო, რიგით მესამე სტუდიური ჩანაწერი Testing გამოუშვა, რომელიც ოქროს სტატუსის მფლობელია. სოლო კარიერის გარდა, რეპერი გაერთიანება ASAP Mob-ის ერთ-ერთი ლიდერია.

Share
Tweet
Share
Share
Share

წინა სტატია

რეპერ Pooh Shiesty-ს 5 წლით პატიმრობა შეეფარდა

შემდეგი სტატია

ნახეთ: კელი კლარკსონმა 1981 წლის ჰიტი Get Down On It იმღერა

შეიძლება დაგაინტერესოთ

ემინემის Mockingbird-ის კლიპმა Youtube-ზე მილიარდ ნახვას მიაღწია

Mockingbird-ის კლიპი რეპერის მეხუთე სოლო მუსიკალური ვიდეოა, რომელსაც Youtube-ზე 1 მილიარდი ნახვა აქვს, კოლაბორაციული ნამუშევრების ჩათვლით კი - მე-6.
მეტი

DU-BESH – ერეკლე დეისაძემ ახალი მუსიკალური ვიდეო წარადგინა

„არ მინდა, ვიდეოს შინაარსსა და კონცეფციაზე საუბრისას კონკრეტული ვიყო. ამას მაყურებელს და მსმენელს მივანდობ - ნებისმიერ ინტერპრეტაციას მივესალმები.”
მეტი