პოპ შემსრულებელმა, კელი კლარკსონმა ტელეკომპანია NBC-ის ეთერში, საავტორო გადაცემის The Kelly Clarkson Show მუსიკალურ ნაწილში Kellyoke, ცნობილი ბრიტანული ბენდის, Radiohead-ის კომპოზიცია Exit Music (For a Film) შეასრულა.
• ნახეთ: კელი კლარსკონმა სტივი ნიქსის Edge of Seventeen შეასრულა
Exit Music (For a Film) ინგლისური კოლექტივის 1997 წლის ალბომში OK Computer არის წარმოდგენილი, რომელიც გამოსვლისთანავე ბრიტანული ჩარტების სათავეში მოექცა. სტუდიურ ნამუშევარში ისეთი სინგლებია თავმოყრილი, როგორებიცაა: Paranoid Android, Lucky, No Surprises და Karma Police. აღსანიშნავია, რომ კლარკსონმა თავის შოუში ეს უკანასკნელიც დააქავერა.
კელი კლარკსონმა პოპულარობა 2002 წელს შოუში American Idol გამარჯვებით მოიპოვა. ამავე წელს გამოსული მისი კომპოზიცია A Moment Like This ბილბორდის ცხელი ასეულის სათავეში მოექცა და წლის ყველაზე გაყიდვადი სინგლის სტატუსი დაიმსახურა. გრემის სამი ჯილდოს მფლობელ არტისტს კარიერის განმავლობაში 25 მილიონზე მეტი ალბომი აქვს გაყიდული. მუსიკოსს განსაკუთრებული წარმატება სიმღერებმა: Because Of You, Stronger, Since U Been Gone და Breakaway მოუტანა.
