Post Malone ახალ ალბომს 3 ივნისს გამოუშვებს

ფოტო: Eric Ryan Anderson/Billboard

ცნობილი ამერიკელი მუსიკოსის, ოსტინ რიჩარდ პოსტის, იგივე Post Malone-ის რიგით მეოთხე სტუდიური ალბომი Twelve Carat Toothache სამ ივნისს ჩაეშვება გაყიდვაში. ამის შესახებ ინფორმაცია თავად ფოსთ მელოუნმა სოციალურ ქსელ ინსტაგრამზე გამოაქვეყნა.

ბოლო სტუდიური ნამუშევარი Hollywood’s Bleeding მუსიკოსმა 2019 წელს გამოუშვა. ახალი ჩანაწერი კი მისმა მენეჯერმა მიმდინარე წლის მარტში დააანონსა. თაყვანისმცემლები ფიქრობენ, რომ ალბომში The Weeknd-თან თანამშრომლობით შექმნილი სინგლი One Right Now იქნება წარმოდგენილი, რომელიც ფოსთმა ექვსი თვის წინ გაავრცელა.

შემსრულებელთან ინტერვიუ ჟურნალმა “ბილბორდმა” იუტაში, მის სახლში ჩაწერა. როგორც მუსიკოსმა გაამხილა, ალბომში დოჟა ქეთი, როდი რიჩი და Fleet Foxes-ის რობინ პეკნოლდი მიიღებენ მონაწილეობას. 

“მგონია, რომ ეს ჩანაწერი ცოცხალია. აქვს გრძნობები და ემოციები. ის ემსახურება მიზანს, რომ აჩვენოს, თუ ვინ ვარ მე”, – თქვა არტისტმა.

ოსტინ რიჩარდ პოსტმა მუსიკალური მოღვაწეობა 2013 წელს დაიწყო. ფსევდონიმი Post Malone მას რეპერის სახელის ონლაინ გენერატორმა შესთავაზა. არტისტისთვის წარმატების მომტანი აღმოჩნდა 2015 წლის ჰიტი White Iverson, რომელიც ბილბორდის ცხელ ასეულში მე-14 ადგილზე გავიდა. ამის შემდეგ მან გავლენიან ლეიბლ Republic Records-თან გააფორმა კონტრაქტი. 2016 წელს შემსრულებელმა სადებიუტო ალბომი Stoney გამოუშვა, რომელშიც ბრილიანტის სტატუსის მქონე სინგლი Congratulations შევიდა. ფოსთის მომდევნო ორმა სტუდიურმა ჩანაწერმა Beerbongs & Bentleys და Hollywood’s Bleeding ჩარტ Billboard 200-ში პირველი ადგილი დაიმსახურა. არტისტს დღემდე მსოფლიოში 80 მილიონი ჩანაწერი აქვს გაყიდული. მისი შემოქმედება პოპის, ჰიპ ჰოპის, არენბისა და თრეფის სინთეზია.

Share
Tweet
Share
Share
Share

წინა სტატია

ნახეთ: Pusha T კლიპს Call My Bluff ავრცელებს

შემდეგი სტატია

Lizzo-მ დაბადების დღეზე ინსტაგრამზე თაყვანისმცემლებს მიმართა

შეიძლება დაგაინტერესოთ

DU-BESH – ერეკლე დეისაძემ ახალი მუსიკალური ვიდეო წარადგინა

„არ მინდა, ვიდეოს შინაარსსა და კონცეფციაზე საუბრისას კონკრეტული ვიყო. ამას მაყურებელს და მსმენელს მივანდობ - ნებისმიერ ინტერპრეტაციას მივესალმები.”
მეტი

მოსამართლის გადაწყვეტილებით, Diddy-ს წინააღმდეგ ჯგუფური გაუპატიურების საქმე ანონიმური არ იქნება

მოსამართლის განმარტებით, ქალმა ფაქტების დამტკიცება ანონიმურობის პირობებში ვერ შეძლო.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი

13 წლის შემდეგ პირველად კანიე უესტის ტრეკი მუსიკალური ჩარტების პირველ ადგილზეა

რეპერი ბოლოს პირველ ადგილზე 2007 წელს მოხვდა, როდესაც კეტი პერისთან ერთად ჩაწერილი სიმღერა, ET გამოიცა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი