ცნობილი ინგლისელი მომღერალი, სემ სმიტი ახალ კომპოზიციას Love Me More და მასზე გადაღებულ ვიდეორგოლს ავრცელებს.
ახალი ნამუშევრის პრესრელიზში მუსიკოსმა აღნიშნა:
Love Me More სმიტის პირველი ნამუშევარია 2020 წლის ოქტომბრის ალბომის Love Goes შემდეგ. სტუდიური ჩანაწერი Billboard 200-ის ჩარტში მაშინ მეხუთე ადგილზე გავიდა.
სემ სმიტმა მუსიკალური კარიერა 2007 წელს დაიწყო. არტისტი ცნობილი 2012 წელს ბრიტანულ ელექტრონულ დუეტთან, Disclosure-თან ერთად ჩაწერილი სინგლით Latch გახდა. 4 გრემის მფლობელი მუსიკოსი კომპოზიციისთვის Writing’s on the Wall, რომელიც ჯეიმს ბონდის შესახებ გადაღებული ფილმის Spectre მუსიკალური თემა იყო, ოსკარისა და ოქროს გლობუსის მფლობელიც გახდა. არტისტის დისკოგრაფია სამ სტუდიურ ალბომს ითვლის. მას დღემდე მსოფლიოში 30 მილიონი ალბომი აქვს გაყიდული.
