ცნობილმა კეიპოპ არტისტმა, ფსაიმ რიგით მეცხრე ალბომთან Psy 9th ერთად ჩანაწერის სინგლზე That That გადაღებული ვიდეორგოლი გამოაქვეყნა, რომელშიც ბოიბენდ BTS-ის შუგა მონაწილეობს.
• მოუსმინეთ: Psy ახალ ალბომს Psy 9th ავრცელებს
ფსაიმ შუგას პროდიუსირებით შექმნილ ტრეკზე ინფორმაცია ამ კვირის დასაწყისში გაავრცელა, თუმცა, უცნობი იყო, გამოჩნდებოდა თუ არა კლიპში “ბითიესის” წევრი.
ფსაიმ კი დაამატა, რომ მათი შეხვედრა შუგამ მოისურვა, რომელსაც უბრალოდ მისი სიმღერის პროდიუსერობა უნდოდა, თუმცა, საბოლოოდ ერთობლივი კომპოზიცია გამოუვიდათ.
That That-ის გარდა, სტუდიურ ალბომში შევიდა ჯერმეინ ჯექსონისა და პია ზადორას 1984 წლის სინგლის When the Rain Begins to Fall ქავერ ვერსია, რომელსაც მუსიკოსი ჯგუფ MAMAMOO-ს წევრთან, ჰვა სასთან ერთად ასრულებს. ნამუშევარში ასევე ვხვდებით კეიპოპ მომღერალ Crush-თან ერთად ჩაწერილ სიმღერას Happier.
