დოჟა ქეთი კარიერაში პირველად Billboard Artist 100-ის სათავეშია

ფოტო: Ramona Rosales/Billboard

პოპულარული ამერიკელი რეპერი და მომღერალი, დოჟა ქეთი მუსიკალური მოღვაწეობის განმავლობაში პირველად ჩარტის Billboard Artist 100 სათავეში მოხვდა, რაც 2021 წლის ალბომის Planet Her წარმატებამ და ცხელ ასეულში მისი 5 სინგლის ერთდროულად მოხვედრამ განაპირობა.

ამჟამად Billboard Hot 100-ში დოჟას ისეთ ჰიტებს ვხვდებით, როგორიცაა: Woman, Need to Know, You Right, Freaky Deaky და Get Into It (Yuh). რაც შეეხება სტუდიურ ჩანაწერს, ის ალბომების ჩარტში მე-6 პოზიციაზეა და უკვე 44-ე კვირაა, რაც ტოპ 25 ნამუშევარს შორისაა. 

აღსანიშნავია, რომ არტისტების ასეულში მეცხრე ადგილზე ვხვდებით რეპერ Pusha T-ს. მან ახლახან ალბომი It’s Almost Dry გამოუშვა, რომელიც Billboard 200-ის სათავეში მოექცა. 

არტისტების ასეულში 86-ე პოზიციაზე გავიდა ჯაზ პიანისტი ბილ ევანსი ორი ნამუშევრის: Inner Spirit: The 1979 Concert at the Teatro General San Martin, Buenos Aires და Morning Glory: The 1973 Concert at the Teatro Gran Rex, Buenos Aires დამსახურებით. 

ჩარტი Billboard Artist 100 ზომავს არტისტის აქტივობას მისი ალბომებისა და ტრეკების გაყიდვების, ასევე, რადიოში მისი ნამუშევრების გაშვების მოთხოვნებისა და სხვადასხვა პლატფორმაზე კომპოზიციების მოსმენების რაოდენობის მიხედვით. 

Share
Tweet
Share
Share
Share

წინა სტატია

ფოსთ მელოუნი პირველ შვილს ელოდება

შემდეგი სტატია

ბედ ბანი: Met Gala-ს შემდეგ იმავე კოსტიუმით სტუდიაში წავედი

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი