ცნობილმა ჰიპ ჰოპ არტისტმა, ქანიე ვესთმა 8 მაისს, დედის დღეს ალბომის Donda დელუქს ვერსიაში შესულ სინგლზე Life of the Party შექმნილი ვიდეორგოლი გაავრცელა. კლიპში მუსიკოსის ბავშვობისა და ახალგაზრდობის ფოტოებიაა გამოყენებული, რომლებიც ე.წ. დიფფეიქ ტექნოლოგიის საშუალებით რეპერის ვერსებს ასრულებენ. კომპოზიციაში André 3000 მონაწილეობს.
აღსანიშნავია, რომ ვიდეოში გამოყენებულ სურათებში ქანიეს Yeezy Gap-ისა და Balenciaga-ს ერთობლივი კოლექციიდან სამოსი აქვს მორგებული. ეს ქანიესა და დემნა გვასალიას პირველი თანამშრომლობაა. ტანსაცმლის შეძენა 25 მაისიდან იქნება შესაძლებელი.
ქანიე ვესთმა შემოქმედებითი მოღვაწეობა 1996 წელს დაიწყო და დღემდე 11 სტუდიური ალბომი გამოუშვა. 160 მილიონზე მეტი გაყიდული ჩანაწერით, ის ყველა დროის ერთ-ერთ ყველაზე გავლენიან ჰიპ ჰოპ არტისტად მიიჩნევა. ქანიე მეორე რეპერია ჯეი ზის შემდეგ, რომელმაც რეკორდული, 24 გრემის ჯილდოს მოპოვება შეძლო. ის აგრეთვე კომერციულად წარმატებული ბრენდის Yeezy დამაარსებელია.
