პოპ შემსრულებელმა, კელი კლარკსონმა ტელეკომპანია NBC-ის ეთერში, საავტორო გადაცემის The Kelly Clarkson Show მუსიკალურ ნაწილში Kellyoke, ცნობილი ჰიპ ჰოპ დუეტის Outcast ჰიტი The Way You Move შეასრულა. მუსიკოსს სცენაზე ტრადიციულად თავისი ლაივ ბენდი Y’all ახლდა.
• ნახეთ: კელი კლარკსონი ჰიტს King of Wishful Thinking ასრულებს
2003 წელს გავრცელებული კომპოზიცია The Way You Move ბილბორდის ცხელ ასეულში პირველ ადგილზე გავიდა და ჩარტში ჯამში 39 კვირა გაატარა. ტრეკი დუეტის ალბომში Speakerboxxx/The Love Below არის წარმოდგენილი. მას ბიგ ბოი და პროდიუსერი, სლიფი ბრაუნი ასრულებენ. აღსანიშნავია, რომ მათ ნამუშევარი 2019 წლის სუპერ ბოულის შოუზე გააცოცხლეს, როდესაც სცენაზე ჯგუფს Maroon 5 შეუერთდნენ.
კელი კლარკსონმა პოპულარობა 2002 წელს შოუში American Idol გამარჯვებით მოიპოვა. ამავე წელს გამოსული მისი კომპოზიცია A Moment Like This ბილბორდის ცხელი ასეულის სათავეში მოექცა და წლის ყველაზე გაყიდვადი სინგლის სტატუსი დაიმსახურა. გრემის სამი ჯილდოს მფლობელ არტისტს კარიერის განმავლობაში 25 მილიონზე მეტი ალბომი აქვს გაყიდული. მუსიკოსს განსაკუთრებული წარმატება სიმღერებმა: Because Of You, Stronger, Since U Been Gone და Breakaway მოუტანა.
