პოპულარული ატლანტელი ჰიპ ჰოპ არტისტის, Future-ს ახალი ალბომის I NEVER LIKED YOU ყველა ტრეკი ბილბორდის ცხელ ასეულში მოხვდა. თავად სტუდიური ჩანაწერი კი 222 000 მილიონი გაყიდული ეგზემპლარით Billboard 200-ის ჩარტში პირველ ადგილზე გავიდა.
• ნახეთ: Future და Drake კლიპს Wait For U ავრცელებენ
ბილბორდის ჰიტ-აღლუმის ლიდერი პოზიცია ნამუშევარს Wait for U ერგო, რომელსაც Future კანადელ რეპერ დრეიქთან ერთად ასრულებს.
Future ცხელ ასეულში ამჟამად 18 კომპოზიციითაა წარმოდგენილი. ორი მათგანი ზემოხსენებულ ალბომში არ შედის.
No. 1 – “Wait for U” feat. Drake & Tems
No. 4 – “Puffin on Zootiez”
No. 8 – “712PM”
No. 10 – “I’m Dat N***a”
No. 11 – “I’m on One” feat. Drake
No. 12 – “Love You Better”
No. 15 – “Keep It Burnin” feat. Ye
No. 20 – “Massaging Me”
No. 24 – “For a Nut” feat. Gunna & Young Thug
No. 26 – “Chickens” feat. EST Gee
No. 29 – “Gold Stacks”
No. 39 – “Voodoo” feat. Kodak Black
No. 45 – “We Jus Wanna Get High”
No. 46 – “Holy Ghost”
No. 58 – “Back to the Basics”
No. 60 – “The Way Things Going”
No. 68 – “Pushin P” with Gunna & feat. Young Thug
No. 76 – “Me or Sum” with Nardo Wick & Lil Baby
რეპერი Future ბილბორდის ცხელ ასეულში, დღეის მონაცემებით, 149 ჩანაწერითაა მოხვედრილი. ის ჩარტის ისტორიაში მხოლოდ დრეიქს (262 კომპოზიცია), მიუზიკლს Glee (207), ლილ უეინს (180) და ტეილორ სვიფტს (166) ჩამორჩება. თუმცა, უსწრებს ქანიე ვესთს, რომელიც მეექვსე პოზიციას Billboard Hot 100-ში შესული 138 ტრეკით იკავებს.
ატლანტელმა ნეივადიუს უილბერნმა, ფსევდონიმით Future, შემოქმედებითი მოღვაწეობა 2009 წელს დაიწყო. ის თრეფ მუსიკაში ვოკალური ეფექტებისა და მელოდიების გამოყენების პიონერად მიიჩნევა. გრემის მფლობელ შემსრულებელს დღემდე ცხრა სტუდიური ალბომი აქვს გამოშვებული, მათ შორის შვიდი Billboard 200-ის ჩარტის სათავეში მოხვდა. მას აგრეთვე არაერთი წარმატებული კოლაბორაციული ჩანაწერი აქვს გამოცემული. მუსიკოსი თანამედროვე ჰიპ ჰოპის ერთ-ერთი ყველაზე მოთხოვნადი წარმომადგენელია.
