მოუსმინეთ: Florence + the Machine ახალ ალბომს Dance Fever ავრცელებს

ფოტო: Nicole Nodland/Billboard

ბრიტანულმა ჯგუფმა Florence + the Machine ახალი, რიგით მეხუთე ალბომი Dance Fever გამოუშვა. ჩანაწერის პროდიუსერები ბენდის ლიდერი, ფლორენს უელჩი, ჯეკ ანტონოვი და დეივ ბეილი არიან. 14 ტრეკისგან შემდგარი ნამუშევარი მოიცავს აქამდე გავრცელებულ სინგლებს: My Love, Free, King და Heaven is Here, რომლებიც რეჟისორ ოთმნ დე ვაილდის მიერ გადაღებულ კლიპებთან ერთად გამოქვეყნდა.

“მასზე 2019 წელს დავიწყე მუშაობა, როგორც კი წინა ალბომის ციკლი დასრულდა”, – აღნიშნა ფლორენსმა გადაცემაში The Tonight Show სტუმრობისას. შოუს მუსიკალურ ნაწილში მან მაყურებლისთვის ორი სიმღერა King და My Love შეასრულა.

Florence + The Machine ლონდონში 2007 წელს შეიქმნა. ჯგუფმა 2009 წელს სადებიუტო ალბომი Lungs გაავრცელა და Brit Awards-ზე საუკეთესო ბრიტანული ბენდის სტატუსიც მოიპოვა. ნამუშევარი ზედიზედ 28 კვირის განმავლობაში მუსიკალური ჩარტების პირველ ათეულში შედიოდა. გრემიზე ექვსჯერ ნომინირებულ კოლექტივს ამ დრომდე 5 სტუდიური ნამუშევარი აქვს გამოცემული.

Share
Tweet
Share
Share
Share

წინა სტატია

ASAP Rocky: “ასტროვორლდის” ტრაგედიამ კონცერტები შეცვალა

შემდეგი სტატია

ნახეთ: ანიტა Billboard-ის ფოტოსესიაში

შეიძლება დაგაინტერესოთ

Guns N’ Roses ხელოვნური ინტელექტის მიერ შექმნილ ვიდეოს აზიარებს

2023 წლის სინგლზე შექმნილი ვიდეო მოიცავს ბენდის ლაივკონცერტების ჩანაწერებს, რომლებიც ხელოვნური ინტელექტის მიერ შექმნილ ფუტურისტული სამყაროს კადრებს ერწყმის.
მეტი