ამერიკელი შემსრულებლები, ფოსთ მელოუნი და როდი რიჩი ერთობლივ კომპოზიციას Cooped Up და მასზე გადაღებულ ვიდეორგოლს ავრცელებენ. რადიოსადგურ Apple Music 1-ის ეთერში, წამყვან ზეინ ლოუისთან ინტერვიუში, მელოუნმა რიჩის შესახებ ისაუბრა.
• ფოსთ მელოუნი პირველ შვილს ელოდება
აღსანიშნავია, რომ შემსრულებლის ალბომი Twelve Carat Toothache სამ ივნისს ჩაეშვება გაყიდვაში.
ოსტინ რიჩარდ პოსტმა მუსიკალური მოღვაწეობა 2013 წელს დაიწყო. ფსევდონიმი Post Malone მას რეპერის სახელის ონლაინ გენერატორმა შესთავაზა. არტისტისთვის წარმატების მომტანი აღმოჩნდა 2015 წლის ჰიტი White Iverson, რომელიც ბილბორდის ცხელ ასეულში მე-14 ადგილზე გავიდა. ამის შემდეგ მან გავლენიან ლეიბლ Republic Records-თან გააფორმა კონტრაქტი. 2016 წელს შემსრულებელმა სადებიუტო ალბომი Stoney გამოუშვა, რომელშიც ბრილიანტის სტატუსის მქონე სინგლი Congratulations შევიდა. ფოსთის მომდევნო ორმა სტუდიურმა ჩანაწერმა Beerbongs & Bentleys და Hollywood’s Bleeding ჩარტ Billboard 200-ში პირველი ადგილი დაიმსახურა. არტისტს დღემდე მსოფლიოში 80 მილიონი ჩანაწერი აქვს გაყიდული. მისი შემოქმედება პოპის, ჰიპ ჰოპის, არენბისა და თრეფის სინთეზია.
