მოუსმინეთ: ქენდრიქ ლამარის ახალი ალბომი Mr. Morale & the Big Steppers

ფოტო: Kendrick Lamar/Mr. Morale & the Big Steppers

გავლენიანმა ჰიპ ჰოპ არტისტმა, ქენდრიქ ლამარმა ახალი ალბომი Mr. Morale & the Big Steppers გაავრცელა. მანამდე შემსრულებელმა სოციალურ ქსელებში ჩანაწერის გარეკანი გამოაქვეყნა. ფოტოგრაფ რენელ მედრანოს მიერ გადაღებულმა სურათმა მრავალი გამომწერის, მათ შორის ცნობილი ადამიანების: ქეილანის, როდი რიჩის, ერიკ ბელინგერის, პროდიუსერების: MixedByAli და Mike Will Made-It, მსახიობების: იარა შაჰიდისა და ქით ფაუერსის საჯარო მოწონება დაიმსახურა. “კომპტონის იესო”, – ასე უწოდეს რეპერს პოსტის კომენტარებში. სტუდიურ ნამუშევარს თაყვანისმცემლებმა საუკეთესო ალბომის კატეგორიაში გრემის მიღებაც უწინასწარმეტყველეს.

გარეკანის გამოქვეყნებამდე კი ლამარმა ჩანაწერის ერთ-ერთი სინგლი The Heart Part 5 ვიდეორგოლთან ერთად გაავრცელა. კლიპში მუსიკოსი ე.წ. დიფფეიქ ტექნოლოგიის საშუალებით ქანიე ვესთის, ნიფსი ჰასლის, კობი ბრაიანტის, უილ სმიტის, ჯესი სმოლეთისა და ოჯეი სიმფსონის სახეებს ირგებს.

აღსანიშნავია, რომ ჰიპ ჰოპ არტისტის წინა ორი ალბომი: Untitled Unmastered და DAMN. ჩარტის Billboard 200-ის სათავეში მოხვდა. ბოლო მათგანმა ქენდრიქს პულიცერის პრემიაც მოუტანა. ამასთან, აქამდე რეპერი ბილბორდის ცხელ ასეულში 50 ტრეკით არის მოხვედრილი. პირველ პოზიციაზე მისი ჰიტი Humble და ტეილორ სვიფტთან ერთად ჩაწერილი კომპოზიცია Bad Blood გავიდა.

ქენდრიქ ლამარმა შემოქმედებითი მოღვაწეობა 2003 წელს დაიწყო. ფართო საზოგადოებამ ის 2012 წლის ალბომით Good Kid, M.A.A.D City გაიცნო. სამმაგი პლატინის სტატუსის მქონე ნამუშევრის გავრცელების შემდეგ მუსიკოსს თავისი თაობის ერთ-ერთი ყველაზე გავლენიანი რეპერი და ყველა დროის ერთ-ერთი საუკეთესო ჰიპ ჰოპ არტისტი უწოდეს. შემსრულებლის მესამე ალბომმა To Pimp a Butterfly ჩარტში Billboard 200 პირველი ადგილი დაიმსახურა, ხოლო 2017 წელს გავრცელებულმა ჩანაწერმა DAMN. პულიცერის პრემია მიიღო. ცნობილია, რომ 14 გრემის მფლობელი ქენდრიქის ალბომი Mr. Morale & The Big Steppers ბოლო ნამუშევარია, რომელიც ლეიბლზე TopDawg Entertainment გამოიცა. არტისტი ასევე სუპერჯგუფის Black Hippy წევრია Ab-Soul-თან, Jay Rock-თან და Schoolboy Q-სთან ერთად.

Share
Tweet
Share
Share
Share

წინა სტატია

მოუსმინეთ: 8 წლის შემდეგ My Chemical Romance ახალ სიმღერას ავრცელებს

შემდეგი სტატია

ნახეთ: ფოსთ მელოუნი და როდი რიჩი კლიპს Cooped Up ავრცელებენ

შეიძლება დაგაინტერესოთ

კანიე უესტს ყოფილი თანამშრომელი უჩივის

ტონი საქსონი ამბობს, რომ უესტმა მას დასვენების საშუალება არ მისცა მას შემდეგ, რაც რეპერის მალიბუს სახლის მშენებლობისას ზურგის დაზიანება მიიღო. ასევე არ გადაუხადა დაპირებული ანაზღაურება.
მეტი

დრეიკმა კონცერტების დროს სცენაზე ნასროლი ბიუსტჰალტერების კოლექცია გააზიარა

ფანებმა ბიუსტჰალტერები სხვადასხვა კონცერტის მსვლელობისას მაშინ ისროლეს, როცა არტისტი სცენაზე ტრეკებს ასრულებდა.
მეტი

თუფაქ შაკურის გარდაცვალებიდან 25 წლის შემდეგ, მისი მკვლელობის საქმესთან დაკავშირებული საგამოძიებო მოქმედებები ჩატარდა

ლას ვეგასის პოლიციის განცხადებით, ჩხრეკა ორშაბათს, ქალაქ ჰენდერსონის მიმდებარედ ჩატარდა.
მეტი

ბრუკლინის საჯარო ბიბილიოთეკაში Jay-Z-ისადმი მიძღვნილი გამოფენა – The Book of HOV გაიხსნა

გამოფენა 14 ივლისს გაიხსნა და ის დამთვალიერებელს რეპერის ცხოვრებასა და შემოქმედებას წარუდგენს.
მეტი