ჯექსონის ალბომის Thriller 40 წლის იუბილესთან დაკავშირებით კრებული გამოიცემა

ფოტო: Kevin Mazur/WireImage

15 მაისს, ჟურნალ “ბილბორდის” მუსიკალურ დაჯილდოებაზე, მომღერალ Maxwell-ის მიერ მაიკლ ჯექსონის ჰიტის Lady in My Life შესრულების შემდეგ, ჯექსონის წარმომადგენლობამ და Sony Music-მა კრებული Thriller 40 დააანონსა, რომელიც მიმდინარე წლის 18 ნოემბერს ჩაეშვება გაყიდვაში.

საკულტო ალბომს Thriller მიმდინარე წლის ნოემბერში 40 წელი შეუსრულდება. დაანონსებულ კრებულში ორი კომპაქტ დისკი შევა. სტუდიური ნამუშევრის ორიგინალურ სიმღერებთან ერთად მასში წარმოდგენილი იქნება ის გამოუქვეყნებელი კომპოზიციები, რომლებზეც მაიკლი ამ ალბომის ჩაწერისას მუშაობდა.

Thriller 1982 წლის 30 ნოემბერს გამოუშვეს. მასში შესული ცხრა სიმღერიდან შვიდი ბილბორდის ცხელი ასეულის ტოპ ათეულში მოხვდა. მათ შორის სამი კომპოზიცია: Beat It, Billie Jean და Thriller პირველ ადგილზე გავიდა. რვა გრემთან ერთად სტუდიურ ჩანაწერს ოცდათოთხმეტმაგი პლატინის სტატუსი მიენიჭა. მსოფლიოში მისი 100 მილიონზე მეტი ეგზემპლარია გაყიდული.

მაიკლ ჯექსონმა შემოქმედებითი კარიერა ძმებთან ერთად, ჯგუფში Jackson 5 დაიწყო. მსოფლიოში გაყიდული 400 მილიონზე მეტი ჩანაწერით, ის ყველა დროის ერთ-ერთ ყველაზე წარმატებულ მუსიკოსად ითვლება. 2009 წელს გარდაცვლილი არტისტი დღემდე პოპ შემსრულებლის ეტალონად რჩება და ათასობით ხელოვანისთვის შთაგონების წყაროს წარმოადგენს.

Share
Tweet
Share
Share
Share

წინა სტატია

ნახეთ: 5 Seconds of Summer ვიდეორგოლს Me, Myself & I ავრცელებს

შემდეგი სტატია

ცნობილი დრამერი ტრევის ბარკერი დაქორწინდა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი