მაკ მილერის გარდაცვალების საქმეზე კიდევ ერთ პირს 17 წელი მიუსაჯეს

ფოტო: Rich Fury/GI

კალიფორნიელ მამაკაცს, რომელიც ამერიკელ ჰიპ ჰოპ არტისტ მაკ მილერს ფენტანილის შემცველი აბებით ამარაგებდა, ლოს ანჯელესის ფედერალურმა სასამართლომ 17 წლითა და 6 თვით პატიმრობა შეუფარდა. როგორც სტივენ ენდრიუ უოლტერმა გასულ ნოემბერს აღიარა, სწორედ მან გადასცა მოვაჭრეს ნარკოტიკი, რომელმაც 2018 წელს რეპერის გარდაცვალება გამოიწვია.

მამაკაცს, რომელიც მაკ მილერს ნარკოტიკით ამარაგებდა, 11 წელი მიუსაჯეს

ფენტანილის დისტრიბუციის გამო უოლტერს 20 წლით პატიმრობა ემუქრებოდა, თუმცა, შეთანხმების შედეგად, პროკურორებმა მხოლოდ 17 წლითა და 6 თვით თავისუფლების აღკვეთა მოითხოვეს.

მაკ მილერი კალიფორნიაში, სან ფერნანდო ველიში მდებარე საკუთარ სახლში გარდაცვლილი 2018 წლის 7 სექტემბერს იპოვეს. ექსპერტიზის თანახმად, რეპერი ფენტანილის, კოკაინისა და ალკოჰოლის ზედოზირებით გარდაიცვალა.

მუსიკოსის გარდაცვალების საქმეზე უოლტერთან ერთად 28 წლის კამერონ ჯეიმს პეტიტი და 36 წლის რაიან მაიკლ რევისი დააკავეს. პროკურორების განცხადებით, მილერმა ფენტანილში ამოვლებული ყალბი ოქსიკოდონის აბები პეტიტისგან შეიძინა. ამ უკანასკნელმა კი ნარკოტიკი უოლტერისგან რევისის დახმარებით მიიღო. რევისს 11 წლით პატიმრობა აქვს მისჯილი, პეტიტის საქმის განხილვა კი სასამართლოში ჯერ არ დასრულებულა.

პიტსბურგელმა მალკოლმ მაკკორმიკმა, ფსევდონიმით Mac Miller, შემოქმედებითი მოღვაწეობა 2007 წელს დაიწყო. მისი დისკოგრაფია 6 სტუდიურ ალბომს მოიცავს. მათ შორის კომერციულად ყველაზე წარმატებული პირველი, Blue Slide Park გახლავთ, რომელიც Billboard 200-ის სათავეში მოექცა. ეს მიღწევა განსაკუთრებით აღსანიშნავია, რადგან მაკ მილერმა სტუდიური ჩანაწერი დამოუკიდებლად, ლეიბლის გარეშე გაავრცელა. ლეგენდარული ჰიპ ჰოპ გაერთიანების Tha Dogg Pound 1995 წლის ალბომის Dogg Food შემდეგ, მალკოლმი პირველი რეპერი იყო, რომელმაც მსგავსი რამ შეძლო. არტისტის 2018 წლის ნამუშევარმა Swimming გრემის წლის საუკეთესო ჰიპ ჰოპ ალბომის ნომინაცია დაიმსახურა. იმავე წლის 7 სექტემბერს მალკოლმი საკუთარ სახლში გარდაცვლილი იპოვეს. სიკვდილის მიზეზი კი ნარკოტიკული საშუალებების ზედოზირება გახდა. 2020 წელს შემსრულებლის წარმომადგენლებმა გაყიდვაში მისი ბოლო ალბომი Circles ჩაუშვეს.

Share
Tweet
Share
Share
Share

წინა სტატია

ნახეთ: BTS ჯანსაღი ცხოვრების წამახალისებელ ვიდეოს ავრცელებს

შემდეგი სტატია

ნახეთ: ფიბი ბრიჯერსი კლიპს Sidelines ავრცელებს

შეიძლება დაგაინტერესოთ

ემინემის Mockingbird-ის კლიპმა Youtube-ზე მილიარდ ნახვას მიაღწია

Mockingbird-ის კლიპი რეპერის მეხუთე სოლო მუსიკალური ვიდეოა, რომელსაც Youtube-ზე 1 მილიარდი ნახვა აქვს, კოლაბორაციული ნამუშევრების ჩათვლით კი - მე-6.
მეტი