ნახეთ: BTS ჯანსაღი ცხოვრების წამახალისებელ ვიდეოს ავრცელებს

ფოტო: Brian Friedman

საგანმანათლებლო პროექტი HYBE EDU ჯანსაღი ცხოვრების წესის პოპულარიზაციისთვის სამხრეთკორეული ბოიბენდის BTS მონაწილეობით მორიგ ვიდეოს ავრცელებს. 13-წუთიან კლიპში მწვრთნელი მაყურებელს მუცლის პრესის ვარჯიშებს ასწავლის.

ნახეთ: BTS-ის კრებულში Proof დემო ჩანაწერებიც შევა

“იმისთვის, რომ ეფექტურად გამოიყენოთ სხეულის ზედა და ქვედა კუნთები, მნიშვნელოვანია, ყურადღება მიექცეს ტანის ცენტრალურ ნაწილს”, – წერია ვიდეოს აღწერის გრაფაში.

მწვრთნელის მიერ ნაჩვენები მოძრაობების გამეორებას პარალელურად “ბითიესის” წევრებიც ცდილობენ. 

“შეგიძლიათ, ყოველდღე ჭამოთ შემწვარი ქათამი. ოღონდ შემდეგ უნდა ივარჯიშოთ”, – ამბობს შუგა ვიდეოში.

აღსანიშნავია, რომ მუსიკოსები 10 ივნისს 9-წლიანი მოღვაწეობის ნიშნად კრებულს Proof გამოუშვებენ, რომელიც სამ კომპაქტ დისკს მოიცავს.

BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.

Share
Tweet
Share
Share
Share

წინა სტატია

ცნობილი დრამერი ტრევის ბარკერი დაქორწინდა

შემდეგი სტატია

მაკ მილერის გარდაცვალების საქმეზე კიდევ ერთ პირს 17 წელი მიუსაჯეს

შეიძლება დაგაინტერესოთ

ფოტო, რომელიც ჯასტინ ტიმბერლეიკს პოლიციის განყოფილებაში დაკავებისას გადაუღეს, ხელოვნების ნიმუშად იქცა

ტიმბერლეიკი პოლიციამ ნასვამ მდგომარეობაში ავტომობილის მართვის გამო დააკავა.
მეტი

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი