პოპულარულმა ჰიპ ჰოპ არტისტმა, ქარდი ბიმ სოციალურ ქსელ ტვიტერზე ფანებს უპასუხა, რომლებიც ახალი ალბომის დაგვიანების გამო საყვედურობდნენ.
For BARDIGANG cause y’all be talking slot of shit 🤣 pic.twitter.com/HZqSo81an1
— Cardi B (@iamcardib) May 17, 2022
ქარდის 2018 წლის სადებიუტო ალბომის Invasion of Privacy შემდეგ ჩანაწერი არ გაუვრცელებია. მისი ერთ-ერთი ბოლო სინგლი გახლდათ UP, რომელიც ბილბორდის ცხელ ასეულში პირველ ადგილზე გავიდა. მას შემდეგ რეპერმა ითანამშრომლა ისეთ მუსიკოსებთან, როგორებიც არიან: ნორმანი, ლიზო, სამერ უოკერი, სიზა და ქეი ფლოქი.
ნიუ იორკელმა ბელქალის ალმანზარმა, ფსევდონიმით Cardi B, შემოქმედებითი მოღვაწეობა 2015 წელს დაიწყო. 2017 წელს მან ჰიტი Bodack Yellow გამოუშვა, რომელმაც ბილბორდის ცხელი ასეულის სათავეში ზედიზედ სამი კვირა დაჰყო. 19 წლის განმავლობაში ეს იყო პირველი შემთხვევა, როდესაც ქალი რეპერის სოლო ჩანაწერი ჰიტ აღლუმის წამყვან პოზიციაზე გავიდა. სინგლი ბრილიანტის სტატუსის მფლობელიც გახდა, რამაც ქარდი ამ მიღწევის მქონე პირველ ქალ რეპერად აქცია. 2019 წელს მუსიკოსის სამმაგი პლატინის მფლობელმა სადებიუტო ჩანაწერმა Invasion Of Privacy გრემის დაჯილდოებაზე “წლის საუკეთესო ჰიპ ჰოპ ალბომის” კატეგორიაში გაიმარჯვა. ეს იყო პირველი შემთხვევა, როდესაც ქალმა სოლო არტისტმა აღნიშნული ნომინაცია მოიგო.
