პოპ შემსრულებელმა, კელი კლარკსონმა ტელეკომპანია NBC-ის ეთერში, საავტორო გადაცემის The Kelly Clarkson Show მუსიკალურ ნაწილში Kellyoke, დევიდ გეტას, გალანტისისა და ლითლ მიქსის 2021 წლის კოლაბორაციული ტრეკი Heartbreak Anthem შეასრულა.
• ნახეთ: კელი კლარკსონი Outcast-ის ჰიტს The Way You Move ასრულებს
კომპოზიცია, რომელიც კორონავირუსის პანდემიის დაწყებამდე ჩაიწერა, ბილბორდის საცეკვაო/ელექტრონული ტრეკების ჩარტში მეექვსე პოზიციაზე გავიდა და მასში ჯამში 26 კვირა გაატარა.
კელი კლარკსონმა პოპულარობა 2002 წელს შოუში American Idol გამარჯვებით მოიპოვა. ამავე წელს გამოსული მისი კომპოზიცია A Moment Like This ბილბორდის ცხელი ასეულის სათავეში მოექცა და წლის ყველაზე გაყიდვადი სინგლის სტატუსი დაიმსახურა. გრემის სამი ჯილდოს მფლობელ არტისტს კარიერის განმავლობაში 25 მილიონზე მეტი ალბომი აქვს გაყიდული. მუსიკოსს განსაკუთრებული წარმატება სიმღერებმა: Because Of You, Stronger, Since U Been Gone და Breakaway მოუტანა.
