ამერიკელი მუსიკოსი, ლიზო ახლახან გამოშვებული კომპოზიციის About Damn Time რემიქსს ავრცელებს, რომელზეც გერმანელ დიჯეი Purple Disco Machine-თან თანამშრომლობით იმუშავა.
• Lizzo-მ დაბადების დღეზე ინსტაგრამზე თაყვანისმცემლებს მიმართა
აღსანიშნავია, რომ კომპოზიცია About Damn Time თავდაპირველად ბილბორდის ცხელი ასეულის მე-60 ადგილზე გავიდა. მას შემდეგ კი, რაც TikTok-ის ვარსკვლავმა, ჯედენ გომეზმა ამ სიმღერაზე ცეკვის ვიდეო გამოაქვეყნა, ნამუშევარმა ჯერ მე-19, შემდეგ კი მე-9 პოზიციაზე გადაინაცვლა.
3 გრემის მფლობელმა ლიზომ მუსიკალური მოღვაწეობა 2010 წელს დაიწყო. დღეისთვის მის დისკოგრაფიაში 3 ალბომი, ორი EP და კოლაბორაციული ჩანაწერი ერთიანდება. შემსრულებლის ბოლო სტუდიური ნამუშევარი Cuz I Love You ჩარტ Billboard 200-ის ტოპ ხუთეულში მოხვდა. არტისტი ინდი ჰიპ ჰოპ ჯგუფების: The Chalice, Grrrl Prty, The Clerb, Ellypseas და Absynthe ერთ-ერთი დამაარსებელია.
