ბრიტნი სპირსი: ცხოვრებაში ასეთი ბედნიერი არ ვყოფილვარ

ბრიტნი სპირსი
Allen Berezovsky/WireImage

ამერიკელმა პოპვარსკვლავმა, ბრიტნი სპირსმა სოციალურ ქსელ ინსტაგრამზე გამოქვეყნებულ პოსტში განაცხადა, რომ აღარ სურს საჯარო საუბარი თავის ტრავმულ 13-წლიან მეურვეობაზე, რომელიც, სასამართლოს გადაწყვეტილებით, გასული წლის ნოემბერში დასრულდა.

“ასე გავართობ იმ ადამიანებს, რომლებმაც ტკივილი მომაყენეს. აღარ მივცემ მათ საშუალებას, რომ დამამცირონ”, – დაწერა მუსიკოსმა.

ამის შემდეგ ბრიტნიმ აღნიშნა, რომ ამაზე ბედნიერი ცხოვრებაში არ ყოფილა, თუ არ ჩათვლის იმას, რომ ახლახან მუცელი მოეშალა.

“ჩემი სული უფრო განათებულია. შემიძლია, გულით ვიცინო და ვიღიმო, ყოველი დღისგან მეტს მოვითხოვ. მენდეთ, მე ვიცი, როგორია, როდესაც პრობლემები გაქვს და ყველაფრისგან გარიყულად გრძნობ თავს. რთულია, შენს თავს დაუპირისპირდე და დააჯერო, რომ მარტო არ ხარ. მაგრამ ჩემმა ქვეცნობიერმა იცოდა, რომ ყველაფერი კარგად იქნებოდა. რაღაც მეუბნებოდა, რომ არ უნდა გავჩერებულიყავი”, – თქვა შემსრულებელმა.

ბრიტნი სპირსმა შემოქმედებითი მოღვაწეობა 1992 წელს დაიწყო. მუსიკოსმა პირველი ორი კომერციულად წარმატებული ალბომით ყველა დროის ყველაზე გაყიდვადი თინეიჯერის სტატუსი შეიძინა. შემსრულებლის ცხრა სტუდიური ჩანაწერიდან ექვსი Billboard 200-ის სათავეშია მოხვედრილი. გრემის მფლობელ მომღერალს 150 მილიონზე მეტი ჩანაწერი აქვს გაყიდული. ბრიტნის ჰოლივუდის დიდების ხეივანში ვარსკვლავიც გაუხსნეს.

Share
Tweet
Share
Share
Share

წინა სტატია

BTS-ის ჯონგუქი: ფანებთან ურთიერთობა მაბედნიერებს

შემდეგი სტატია

ნახეთ: Japanese Breakfast-მა შოუში SNL სადებიუტო პერფორმანსი გამართა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი