BTS-ის ჯიმინი: დღეს შესაძლოა, უფერული ვყოფილიყავი, ზოგისთვის რომ დამეჯერებინა

ფოტო: BIGHIT MUSIC

ახალი კრებულის Proof გამოშვებასთან დაკავშირებით სამხრეთკორეული ბოიბენდის, BTS-ის წევრებმა მოკლე აუდიოჩანაწერები გაავრცელეს და ისაუბრეს, რატომ შეიტანეს ესა თუ ის კომპოზიცია სტუდიურ ნამუშევარში.

შუგა: მნიშვნელოვანია იდეების მოფიქრება, რომ მუსიკალურად განვვითარდე

“მე მოვინდომე, რომ ალბომში Filter და Friends შესულიყო. მინდოდა, გამემართლებინა არმის მოლოდინები და მათ ჩემი სხვა მხარეებიც ეხილათ. კიდევ ბევრი რამ დამრჩა თქვენთვის გასაზიარებელი. დღეს შესაძლოა, ფერადის ნაცვლად უფერული ვყოფილიყავი, სხვა ადამიანებისთვის რომ დამეჯერებინა. მაგრამ მე გვერდში მედგნენ მეგობრები – ბიჭები და თაყვანისმცემლები, რომლებიც მეხმარებოდნენ, დამენახა რა არის ჩემი არსი”, – განაცხადა ჯიმინმა.

Filter და Friends კოლექტივის 2020 წლის ალბომში Map of the Soul: 7 შედის, რომელიც Billboard 200-ის ჩარტის სათავეში მოხვდა. ამ ნამუშევარშივე იყო წარმოდგენილი მომღერალ ჰოლზისთან ერთად ჩაწერილი ჰიტი Boy With Luv.

Proof, რომელიც სამ კომპაქტ დისკს მოიცავს, ბოიბენდის ცხრა წლის იუბილესთან დაკავშირებით 10 ივნისს გამოიცემა. მასში შევა, როგორც ნაცნობი, ისე აქამდე გამოუქვეყნებელი და ახალი ნამუშევრები, მათ შორის სინგლი Yet to Come, რომელიც ორი დღით ადრე, 8 ივნისს გავრცელდება.

BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.

Share
Tweet
Share
Share
Share

წინა სტატია

შუგა: მნიშვნელოვანია იდეების მოფიქრება, რომ მუსიკალურად განვვითარდე

შემდეგი სტატია

ნახეთ: რობერტ ფრიპმა და ტოია უილკოქსმა ჰიტი Creep შეასრულეს

შეიძლება დაგაინტერესოთ

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი