ნახეთ: რობერტ ფრიპმა და ტოია უილკოქსმა ჰიტი Creep შეასრულეს

ფოტო: Toyah & Robert’s Sunday Lunch

ლეგენდარული პროგრესივ როკ ჯგუფის King Crimson დამაარსებელმა, რობერტ ფრიპმა და მისმა ცოლმა, მუსიკოსმა ტოია უილკოქსმა იუთუბ სერიის Sunday Lunch ფარგლებში ჯგუფ Radiohead-ის ჰიტი Creep დააქავერეს. 

არტისტებმა ვიდეო სამზარეულოში ჩაწერეს. ფრიპი ელექტრო გიტარაზე უკრავდა, გვერდზე მდგარ ტოიას გამჭვრივალე პოლიეთილენი ჰქონდა შემოხვეული, მკერდზე კი ქმრის ფოტოები ჰქონდა მიკრული.

მუსიკოსებმა პროექტი Sunday Lunch ჯერ კიდევ კორონავირუსის პანდემიის დასაწყისში წამოიწყეს. მას შემდეგ მათ არაერთი ცნობილი კომპოზიცია დააქავერეს, მათ შორის ბილი აიდოლის Rebel Yell, Black Sabbath-ის Paranoid და The Velvet Underground-ის Venus in Furs.

რობერტ ფრიპმა პროგრესივ როკ ბენდი King Crimson ქალაქ ლონდონში 1968 წელს შექმნა. მომდევნო წელს კოლექტივმა სადებიუტო ალბომი In the Court of the Crimson King გაავრცელა. ჯგუფს ამ დრომდე 13 სტუდიური ნამუშევარი აქვს გამოცემული. 1979 წელს ფრიპმა პირველი სოლო ალბომი Exposure გამოუშვა. აღსანიშნავია, რომ არტისტს ისეთ მუსიკოსებთან უთანამშრომლია, როგორებიც არიან: დევიდ ბოუი, ბრაიან ინო, Blondie და სხვები. მოღვაწეობის განმავლობაში მას 700-ზე მეტ ჩანაწერში აქვს მონაწილეობა მიღებული.

ტოია უილკოქსმა კი შემოქმედებითი კარიერა 1977 წელს დაიწყო. ორი წლის შემდეგ არტისტმა სადებიუტო ალბომი Sheep Farming in Barnet გაავრცელა. პანკ როკ მუსიკოსს ამ დრომდე 16 სტუდიური ჩანაწერი აქვს გამოცემული. ტოიას განსაკუთრებული წარმატება კომპოზიციებმა: It’s a Mystery, Thunder in the Mountains და I Want to Be Free მოუტანა.

Share
Tweet
Share
Share
Share

წინა სტატია

BTS-ის ჯიმინი: დღეს შესაძლოა, უფერული ვყოფილიყავი, ზოგისთვის რომ დამეჯერებინა

შემდეგი სტატია

გიტარა, რომელზეც კობეინი Smells Like Teen Spirit-ში უკრავს, 5 მილიონად გაიყიდა

შეიძლება დაგაინტერესოთ

Radiohead-ის გიტარისტი ჯონი გრინვუდი ისრაელში გამართული კონცერტით გამოწვეულ კრიტიკას გამოეხმაურა

სოციალურ ქსელში მუსიკოსი მას შემდეგ გააკრიტიკეს, რაც მან და ებრაელმა არტისტმა დუდუ ტასამ თელ-ავივში კონცერტი გამართეს.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი