ემინემი ალბომის The Eminem Show განახლებულ ვერსიას გამოუშვებს

ემინემი 2002 წლის MTV Video Music Awards-ზე ჰიტს White America ასრულებს. ფოტო: Reddit

ვეტერანი ჰიპ ჰოპ არტისტი, ემინემი თავისი რიგით მეოთხე ალბომის The Eminem Show ოცი წლის იუბილესთან დაკავშირებით ნამუშევრის გაფართოებულ ვერსიას გამოუშვებს. სოციალურ ქსელში გავრცელებულ ანიმაციურ სარეკლამო ვიდეოში მუსიკოსი მონიტორების წინ ზის, რომლებშიც რიგრიგობით 2002 წლის ჩანაწერში შესული კომპოზიციები: Without Me, White America, Sing for the Moment, Superman და Cleanin’ Out My Closet ირთვება.

“კარგი, თუ სლიმ შეიდი გინდათ, ინებეთ. 20 წლის იუბილესთან დაკავშირებით მისი გაფართოებული ვერსია 26 მაისს გამოიცემა”, – დაწერა რეპერმა.

View this post on Instagram

 

A post shared by Marshall Mathers (@eminem)

2002 წლის 26 მაისს გავრცელებული ნამუშევარი ალბომის The Marshall Mathers LP შემდეგ გამოვიდა. ის არტისტის კარიერაში რიგით მეორე ჩანაწერი გახლავთ, რომელიც Billboard 200-ის ჩარტის სათავეში მოხვდა. დღეს ის თორმეტმაგი პლატინის სტატუსის მფლობელია და 27 მილიონი გაყიდული ეგზემპლარით მსოფლიოში 21-ე საუკუნეში გამოშვებულ ალბომებს შორის რიგით მეორე ყველაზე გაყიდვადი ჩანაწერია. მას მხოლოდ მომღერალ ადელის “21” უსწრებს 31 მილიონი გაყიდული ეგზემპლარით.

აღსანიშნავია, რომ ემინემი წელს როკ-ენ-როლის დიდების დარბაზში შეიყვანეს დოლი პარტონთან, პეტ ბენატართან, ლაიონელ რიჩისთან, კარლი საიმონთან, Eurythmics-თან და Duran Duran-თან ერთად.

მარშალ მეზერსი დეტროიტელი ჰიპ ჰოპ არტისტია, რომელიც ერთ-ერთ ყველაზე გავლენიან რეპერად მიიჩნევა. სწორედ მან შეუწყო ხელი ამერიკის დიდ ნაწილში ჰიპ ჰოპის პოპულარიზაციას. მისი გლობალური წარმატებისა და საყოველთაოდ აღიარებული ნამუშევრების დამსახურებით ემინემმა შეძლო რასობრივი ბარიერის ნგრევა და ჰიპ ჰოპის მეინსტრიმში თეთრკანიანი რეპერების მიღებას დაუდო დასაბამი. მუსიკოსმა სადებიუტო ალბომი Infinite 1996 წელს გამოუშვა. ჯამში მისი დისკოგრაფია 11 სტუდიურ ნამუშევარს ითვლის, რომელთაგან ცხრა Billboard 200-ის სათავეშია მოხვედრილი. არტისტს დღემდე მსოფლიოში 220 მილიონზე მეტი ჩანაწერი აქვს გაყიდული. 15 გრემის, ოსკარისა და სხვა მრავალი ჯილდოს მფლობელი მუსიკოსი როკ-ენ-როლის დიდების დარბაზის წევრია.

Share
Tweet
Share
Share
Share

წინა სტატია

გიტარა, რომელზეც კობეინი Smells Like Teen Spirit-ში უკრავს, 5 მილიონად გაიყიდა

შემდეგი სტატია

“პეპსი” Super Bowl-ის სპონსორი აღარ იქნება

შეიძლება დაგაინტერესოთ

ემინემის Mockingbird-ის კლიპმა Youtube-ზე მილიარდ ნახვას მიაღწია

Mockingbird-ის კლიპი რეპერის მეხუთე სოლო მუსიკალური ვიდეოა, რომელსაც Youtube-ზე 1 მილიარდი ნახვა აქვს, კოლაბორაციული ნამუშევრების ჩათვლით კი - მე-6.
მეტი