2018 წელს ელენ დეჯენერესის ცნობილ შოუში Ellen 16 წლის ბილი აილიშის სატელევიზიო დებიუტი შედგა, სადაც მან You Should See Me in a Crown შეასრულა. ოთხი წლის შემდეგ მომღერალი ელენს კვლავ ესტუმრა და თავისი პირველი გამოსვლის შესახებ ესაუბრა.
• ნახეთ: ბილი აილიში Met Gala-ზე
წამყვანმა 20 წლის მომღერალს ჰკითხა, ამჟამად რას აკეთებს.
რაც შეეხება ახალ მუსიკას, აილიშმა განაცხადა, რომ “ახლა იწყებს მომავალ ალბომზე ფიქრს”.
ბილი აილიშ ო’კონელი ფართო საზოგადოებამ 2015 წელს სინგლით Ocean Eyes გაიცნო. მუსიკოსისთვის წარმატების მომტანი აღმოჩნდა სადებიუტო ალბომი When We All Fall Asleep, Where Do We Go?, რომელიც ამერიკული და ბრიტანული ჩარტების სათავეში მოექცა. მასში შემავალი სინგლი Bad Guy ბილბორდის ცხელი ასეულის სათავეში მოხვდა და ექვსმაგი პლატინის სტატუსი დაიმსახურა. შვიდი გრემის მფლობელი შემსრულებელი 18 წლის ასაკში ყველაზე ახალგაზრდა არტისტი გახდა, რომელმაც ამ დაჯილდოების ოთხი ძირითადი კატეგორია მოიგო. ამასთან, მომღერალი 21-ე საუკუნეში დაბადებული პირველი ადამიანია, რომელმაც ოსკარი მიიღო საუკეთესო საუნდტრეკის კატეგორიაში ნამუშევრით No Time To Die, რომელიც ჯეიმს ბონდის შესახებ გადაღებული ფილმისთვის შექმნა. ბილის დღემდე ორი სტუდიური ალბომი აქვს გამოშვებული.
