ნახეთ: ჯეკ ჰარლოუ და დრეიქი კლიპს Churchill Downs ავრცელებენ

ფოტო: Jimmy Fontaine

კენტაკელმა რეპერმა, ჯეკ ჰარლოუმ კომპოზიციაზე Churchill Downs შექმნილი ვიდეორგოლი გაავრცელა, რომელშიც პოპულარული კანადელი არტისტი, დრეიქი მონაწილეობს. კლიპი ჰარლოუს მშობლიურ შტატში საცხენოსნო შეჯიბრზე Kentucky Derby გადაიღეს. ვიზუალურ ნამუშევარში მაყურებელი აგრეთვე იხილავს მუსიკოსებს: ბრაისონ ტილერს, დიჯეი დრამას, Boi1-da-სა და Druski-ს.

მოუსმინეთ: ჯეკ ჰარლოუმ ალბომი Come Home the Kids Miss You გამოუშვა

“ამ კლიპში უნდა გამოვჩენილიყავი, ძალიან ვამაყობ ჯეკით. ახლა მთვრალი ვარ. ის კი ფხიზელია”, – აღნიშნა დრეიქმა ტელეკომპანია NBC-ის პირდაპირ ეთერში ჩართვისას გასულ აპრილს, როდესაც კენტაკიში გადაღებები მიმდინარეობდა.

Churchill Downs ჰარლოუს ახლახან გამოშვებულ ალბომში Come Home the Kids Miss You შედის, რომელშიც მოწვეული არტისტების რანგში, დრეიქის გარდა, ფარელ უილიამსი, ჯასტინ ტიმბერლეიკი და ლილ უეინი მონაწილეობენ. სტუდიური ნამუშევარი ბილბორდის არენბი/ჰიპ ჰოპ ალბომების ჩარტში მეორე პოზიციაზე გავიდა.

ჯეკმა რეჩიტატივის კითხვა 12 წლის ასაკში დაიწყო. მისი პირველი მიქსტეიპი 2011 წელს გამოიცა. მას შემდეგ კენტუკელმა მუსიკოსმა რამდენიმე სტუდიური ნამუშევარი გამოაქვეყნა, თუმცა, ფართო საზოგადოების ყურადღება მან 2020 წლის კომპოზიციით Whats Poppin დაიმსახურა. ექვსმაგი პლატინის სტატუსის მფლობელი ტრეკის რემიქსი ჰარლოუს არაერთმა პოპულარულმა კოლეგამ ჩაწერა. 2020 წლის დეკემბერში რეპერმა გაყიდვაში სადებიუტო ალბომი That’s What They All Say ჩაუშვა, რომელიც Billboard 200-ში მეორე პოზიციაზე გავიდა. ასევე, აღსანიშნავია 2021 წელს ლილ ნას იქსთან კოლაბორაციით შექმნილი სიმღერა Industry Baby, რომელიც ბილბორდის ცხელი ასეულის სათავეში მოხვდა.

Share
Tweet
Share
Share
Share

წინა სტატია

Eurovision-ის გამარჯვებულმა უკრაინულმა ჯგუფმა ჯილდო ქვეყნის დასახმარებლად გაყიდა

შემდეგი სტატია

ნახეთ: კელი კლარკსონმა Smoky Mountain Rain იმღერა

შეიძლება დაგაინტერესოთ

DU-BESH – ერეკლე დეისაძემ ახალი მუსიკალური ვიდეო წარადგინა

„არ მინდა, ვიდეოს შინაარსსა და კონცეფციაზე საუბრისას კონკრეტული ვიყო. ამას მაყურებელს და მსმენელს მივანდობ - ნებისმიერ ინტერპრეტაციას მივესალმები.”
მეტი

მოსამართლის გადაწყვეტილებით, Diddy-ს წინააღმდეგ ჯგუფური გაუპატიურების საქმე ანონიმური არ იქნება

მოსამართლის განმარტებით, ქალმა ფაქტების დამტკიცება ანონიმურობის პირობებში ვერ შეძლო.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი

13 წლის შემდეგ პირველად კანიე უესტის ტრეკი მუსიკალური ჩარტების პირველ ადგილზეა

რეპერი ბოლოს პირველ ადგილზე 2007 წელს მოხვდა, როდესაც კეტი პერისთან ერთად ჩაწერილი სიმღერა, ET გამოიცა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი