მოუსმინეთ: St. Vincent კომპოზიციას Funkytown ავრცელებს

ფოტო: Djeneba Aduayom/Billboard

ცნობილი ამერიკელი მუსიკოსი, ენი კლარკი, ფსევდონიმით St. Vincent, ანიმაციური ფილმის Minions: The Rise of Gru საუნდტრეკს, ამერიკული დისკო და ფანკ ჯგუფის Lipps Inc. კომპოზიციის Funkytown ქავერ ვერსიას ავრცელებს. ნამუშევრის პროდიუსინგზე ჯეკ ანტონოვმა იმუშავა.

საუნდტრეკების ალბომში აგრეთვე ისეთი არტისტების ნამუშევრები იქნება წარმოდგენილი, როგორებიც არიან: ფიბი ბრიჯერსი, კალი უჩისი, ქეროლაინ პოლაჩეკი, H.E.R., Bleachers, Thundercat, Weyes Blood, Brockhampton და სხვა.

ბრიჯერსი The Carpenters-ის Goodbye to Love-ს დააქავერებს, ბენდი Bleachers ჯონ ლენონის სიმღერას Instant Karma!, H.E.R. შეასრულებს Sly and the Family Stone-ის კომპოზიციას Dance to the Music, დაიანა როსი და თეიმ იმპალა კი ერთობლივ ტრეკს Sunshine შემოგვთავაზებენ. სტუდიური ჩანაწერი გაყიდვაში 1 ივლისს ჩაეშვება.

St. Vincent-ის სახელით ცნობილმა ენი კლარკმა მუსიკალური კარიერა 2003 წელს დაიწყო. გრემის სამი ჯილდოს მფლობელი არტისტი თავდაპირველად სუფიან სტივენსის ლაივ ბენდის წევრი იყო, 2007 წელს კი მან სადებიუტო სოლო ალბომი Marry Me გამოუშვა. მუსიკოსს ამ დრომდე 6 სტუდიური ჩანაწერი აქვს გამოცემული.

Share
Tweet
Share
Share
Share

წინა სტატია

ოლივია როდრიგომ MTV Movie & TV Awards-ის ჯილდო მიიღო

შემდეგი სტატია

ნახეთ: ანდერსონ ფექი Vans-თან ერთად კოლექციას ავრცელებს

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი