BTS-ის პაუზის შემდეგ ჯეი-ჰოუპი სოლო ალბომს გამოუშვებს

ფოტო: BIGHIT MUSIC

სამხრეთკორეულმა ბოიბენდმა BTS გაურკვეველი ვადით შემოქმედებითი პაუზის აღების შესახებ განაცხადა, რასაც მალევე თაყვანისმცემლების ვნებათაღელვა და ლეიბლის HYBE აქციების ფასის ვარდნა მოჰყვა. განცხადების თანახმად, შედეგად ჯგუფის თითოეულ წევრს შესაძლებლობა მიეცემოდა, თავისი ინდივიდუალურობა სოლო ალბომების საშუალებითა და სხვა არტისტებთან თანამშრომლობით წარმოეჩინა. ცნობილი გახდა, რომ პირველ დამოუკიდებელ ჩანაწერს ჯეი-ჰოუპი გაავრცელებს.

• მოუსმინეთ: BTS კრებულს Proof ავრცელებს

“ვფიქრობ, ეს სწორედ ის ცვლილებაა, რაც ამ მომენტში გვჭირდებოდა. “ბითიესისთვის” მნიშვნელოვანია, ახალი თავი გადავშალოთ”, – განაცხადა 28 წლის მუსიკოსმა.

აღსანიშნავია, რომ ამბის გავრცელების შემდეგ ლეიბლის HYBE აქციების ფასი 27.5%-ით შემცირდა, რაც დაახლოებით 1.7 მილიარდის დაკარგვას ნიშნავს.

კოლექტივმა პაუზა 2021 წელსაც აიღო, რათა “ხელახლა მიეღოთ შთაგონება და შემოქმედებითი ენერგიით დამუხტულიყვნენ”. 2019 წელს ბიჭები მსმენელს ასევე რამდენიმე კვირით დაემშვიდობნენ. 

ჯგუფი BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.

Share
Tweet
Share
Share
Share

წინა სტატია

მიკ ჯაგერს COVID-19-ის გამო ამსტერდამში კონცერტის გაუქმება მოუწია

შემდეგი სტატია

Coachella 2023-ის თარიღები დაანონსდა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი