მიკ ჯაგერს COVID-19-ის გამო ამსტერდამში კონცერტის გაუქმება მოუწია

ფოტო: Dave J Hogan/GI

ლეგენდარულ ინგლისურ როკ ბენდს The Rolling Stones ამსტერდამში, იოჰან კრუიფის არენაზე დაგეგმილი შოუს გაუქმება მას შემდეგ მოუწია, რაც ფრონტმენ მიკ ჯაგერს COVID-19 დაუდასტურდა. როგორც ჯგუფმა ინსტაგრამზე გამოქვეყნებულ განცხადებაში აღნიშნა, მუსიკოსმა ანალიზის გაკეთება სიმპტომების გამოვლენის გამო გადაწყვიტა. უცნობია ინფორმაცია ბენდის სხვა წევრების ჯანმრთელობის მდგომარეობის შესახებ.

“დიდი მწუხარებით გაცნობებთ, რომ დღეს კონცერტი უნდა გადავდოთ. აუდიტორიის, დამხმარე არტისტებისა და პერსონალის უსაფრთხოება ჩვენი პრიორიტეტია. შოუ მოგვიანებით აუცილებლად ჩატარდება, რომელზეც უკვე ნაყიდი ბილეთებით გვესტუმრებით. დეტალებს დაელოდეთ”, – წერია კოლექტივის განცხადებაში.

“როლინგ სთოუნსი” მეექვსე ათწლეული მოღვაწეობის აღსანიშნავად ტურნეს Sixty მართავს, რომელიც მადრიდში 1 ივნისს დაიწყო და მიუნხენში, ლივერპულში, ამსტერდამში, ლონდონში, ვენასა და პარიზში გაგრძელდება. შემაჯამებელი კონცერტი 31 ივლისს სტოკჰოლმში ჩატარდება.

აღსანიშნავია, რომ ბენდი დრამერ ჩარლი ვატსის გარდაცვალების შემდეგ ამჟამად პირველ შოუებს მართავს. ვატსი სტივ ჯორდანმა შეცვალა.

საკულტო ჯგუფი “როლინგ სთოუნზი” ლონდონში 1962 წელს შეიქმნა და დღემდე 25 სტუდიური ალბომი გამოუშვა. მათ შორის ბოლო ჩანაწერი Blue & Lonesome 2016 წელს გამოიცა. კოლექტივი 1989 წელს როკ-ენ-როლის დიდების დარბაზშიც შეიყვანეს. სხვადასხვა გამოცემამ მუსიკოსები არაერთხელ დაასახელა ყველა დროის საუკეთესო არტისტებისა თუ ჯგუფების ათეულში. აღსანიშნავია ისიც, რომ ბენდის მიერ 2005-07 წლებში გამართული ტურნე, შემოსავლების ჯამური რაოდენობით, ისტორიაში მეორე ადგილს იკავებს. Bigger Bang Tour-მა კოლექტივს 523 მილიონზე მეტი დოლარი მოუტანა.

Share
Tweet
Share
Share
Share

წინა სტატია

ფოსთ მელოუნს პირველი შვილი შეეძინა

შემდეგი სტატია

BTS-ის პაუზის შემდეგ ჯეი-ჰოუპი სოლო ალბომს გამოუშვებს

შეიძლება დაგაინტერესოთ

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი