პოლ მაკკარტნი ბოქს-სეტს McCartney I II III აანონსებს

ფოტო: Dimitrios Kambouris/GI for The Rock and Roll Hall of Fame

ლეგენდარული ბრიტანელი მუსიკოსი, პოლ მაკკარტნი 5 აგვისტოს ბოქს-სეტს სახელწოდებით McCartney I II III გამოუშვებს, რომელშიც მისი ალბომები McCartney (1970), McCartney II (1980) და McCartney III (2020) გაერთიანდება. ნამუშევრის შეძენა წინასწარ არტისტის ვებგვერდზეა შესაძლებელი.

ნახეთ: პოლ მაკკარტნის სცენაზე ბრიუს სპრინგსტინი და ჯონ ბონ ჯოვი შეუერთდნენ

ბოქს-სეტი სამი სახის იქნება: ლიმიტირებული ფერადი ვინილით, რომელიც $99.98 ეღირება, შავი ვინილით, რომლის ფასიც 89.98 დოლარს შეადგენს და კომპაქტ დისკით ($39.98). კრებულში აგრეთვე წარმოდგენილი იქნება ნაბეჭდი ფოტოები და “ბითლზის” ყოფილი წევრის ჩანაწერები თითოეული ალბომის შესახებ. ჩასადების გარეკანსა და ტიპოგრაფიაზე ხელოვანმა, ედ რუსქამ იმუშავა.

აღსანიშნავია, რომ 2020 წლის დეკემბერში ტრილოგიის ბოლო ნაწილი McCartney III ბილბორდის ჩარტის Top Album Sales სათავეში მოხვდა. მისი რემიქს ვერსია McCartney III Imagined მომავალ წელს გამოიცა და მასში მოწვეული არტისტების რანგში ბექი, სენტ ვინსენტი, ფიბი ბრიჯერსი, დეიმონ ალბარნი, ჯოშ ჰომი და ანდერსონ ფექი ვიხილეთ.

ახლახან ნიუ ჯერსიში გამართული კონცერტით მაკკარტნიმ ჩრდილოეთ ამერიკული ტურნე Got Back შეაჯამა. 25 ივნისს კი არტისტი დიდ ბრიტანეთში ფესტივალ “გლასტონბერის” ჰედლაინერი იქნება.

1960-70 წლებში პოლ მაკკარტნი მუსიკის ისტორიაში ერთ-ერთი ყველაზე პოპულარული ჯგუფის The Beatles ფრონტმენი იყო. ჯონ ლენონისა და მის მიერ დაწერილი სიმღერები დღემდე ჰიტებად რჩება. “ბითლზის” დაშლის შემდეგ პოლმა ცოლთან, ლინდასთან ერთად ბენდი Wings შექმნა, პარალელურად კი სოლო კარიერაც დაიწყო. არტისტს 18 ალბომი აქვს გამოშვებული. გრემის პრესტიჟული ჯილდოს მოპოვება პოლმა 18-ჯერ მოახერხა, როკ-ენ-როლის დიდების დარბაზში კი ორჯერ შეიყვანეს.

Share
Tweet
Share
Share
Share

წინა სტატია

ნახეთ: ქარდი ბი და ტიანა ტეილორი პროექტის Cardi Tries ახალ ეპიზოდში

შემდეგი სტატია

მოუსმინეთ: ბიონსე ახალ სინგლს Break My Soul ავრცელებს

შეიძლება დაგაინტერესოთ

Imagine Dragons მთვარიდან სიმღერის ტრანსლირების სიურრეალისტურ გამოცდილებაზე საუბრობს

ამ კვირას ჯგუფისა და ლოს-ანჯელესის კინოორკესტრის ერთობლივ კონცერტზე გადაღებული დოკუმენტური ფილმიც გამოვა.
მეტი

2025 წელს მარიამ შენგელია ევროვიზიაზე საქართველოს წარადგენს

მომღერალი მარიამ შენგელია 2025 წელს რიგით 69-ე ევროვიზიის სიმღერის კონკურსზე საქართველოს წარადგენს. წლევანდელი ევროვიზია შვეიცარიაში, ქალაქ ბაზელში ჩატარდება.
მეტი
წერილი

ქართულ ანდერგრაუნდ ბენდს „წერილი“ დაარსებიდან 30 წელი შეუსრულდა და წელს ახალი ალბომის გამოცემას გეგმავს 

ბენდმა იანვარში ახალი სიმღერა სახელწოდებით „დარაჯი“ გამოაქვეყნა
მეტი

ფინალური შოუს წინ ოზი ოსბორნი აცხადებს, რომ სიარული აღარ შეუძლია

მძიმე მეტალის ჟანრის პიონერმა ოზი ოსბორნმა განაცხადა, რომ სიარული აღარ შეუძლია. მუსიკოსმა ეს განცხადება მაშინ გაავრცელა, როცა თავისი…
მეტი

ყველა შემთხვევა, როცა Nirvana კურტ კობეინის გარდაცვალების შემდეგ სცენაზე გაერთიანდა

ჯგუფის წევრები დეივ გროლი, კრისტ ნოვოსელიჩი და პეტ სმირი 30 იანვარს FireAid-ის საქველმოქმედო საღამოზე წარდგნენ.
მეტი