რეპერმა სოუითიმ ბრენდ Crocs-თან თანამშრომლობით Jibbitz-ის სამაგრების კოლექცია გამოუშვა, რომელიც შეზღუდული რაოდენობით ჩაეშვა გაყიდვაში. პრესრელიზის თანახმად, ფეხსაცმლის მოსართავები აერთიანებს ყველაფერს, რაც მუსიკოსს უყვარს: სიკაშკაშესა და ძვირადღირებულ შესახედაობას.
“კროკსის” ვებგვერდზე შესაძლებელია სამაგრებისა და სანდლების ორი კომპლექტის: Saweetie X Crocs Classic Cozzzy Sandal Bundle ($74.99) და Saweetie X Crocs Classic Clog Bundle ($69.99) შეძენა.
ლიმიტირებული ოდენობის სამაგრების შეძენის მსურველები 21-დან 24 ივნისამდე ვებგვერდს Crocs.com უნდა ესტუმრონ, სადაც ყიდვის უფლების მოსაპოვებლად კენჭისყრაში მონაწილეობა შეეძლებათ.
აღსანიშნავია, რომ კოლექციის წარსადგენად “კროკსმა” და სოუითიმ პლატფორმა Obsess-თან ითანამშრომლეს, რომლის დახმარებითაც ინტერაქტიული ვირტუალური მაღაზია შექმნეს. კენჭისყრაში მონაწილეობის მისაღებად მომხმარებლები სწორედ აქ დარეგისტრირდებიან.
დიამონტე ჰარპერმა, სასცენო სახელით Saweetie, მუსიკალური კარიერა 2017 წელს დაიწყო, 2018-ში კი ის ერთ-ერთი მსხვილი ლეიბლის Warner Bros. Records წევრი გახდა. იმავე წლის მარტში რეპერმა სადებიუტო სტუდიური ჩანაწერი High Maintenance გაავრცელა, რომლის მთავარი სინგლიც პლატინის სტატუსის მქონე კომპოზიცია Icy Grl გახლავთ. 2019 წელს კალიფორნიელმა მსმენელს მეორე EP სახელწოდებით Icy შესთავაზა. მუსიკოსი გრემიზე ორჯერ იყო წარდგენილი.
