ლოს ანჯელესში, მაიკროსოფტის თეატრში ყოველწლიური დაჯილდოება BET Awards ჩატარდა, რომელსაც უკვე მეორედ მსახიობი ტარაჯი პი ჰენსონი გაუძღვა.
• ნახეთ: 2022 წლის BET Awards-ის გამარჯვებულები გამოვლინდნენ
დოჟა ქეთი დაჯილდოების ცერემონიაზე ექვს, დრეიქი და არი ლენოქსი კი ოთხ ნომინაციაზე იყო წარდგენილი. რეპერმა Diddy-მ კი საღამოზე კარიერაში განსაკუთრებული მიღწევებისთვის პრესტიჟული ჯილდო მიიღო, რის შემდეგაც სცენა პერფორმანსისთვის ძველი თაობის ვარსკვლავებთან: მერი ჯეი ბლაიჯთან, ნასთან, ბასტა რაიმსთან და სხვებთან ერთად დაიკავა.
საღამო მუსიკოსმა ლიზომ ახალი სიმღერით About Damn Time გახსნა. ღონისძიების სცენაზე ვიხილეთ სხვა არტისტებიც: ჯეკ ჰარლოუ და ბრენდი, მერაია ქერი და ლატო და სხვები.
გთავაზობთ ფოტოკადრებს 2022 წლის BET Awards-იდან:
ბილი პორტერი, ლენა ვეითი და სინტია ერივო
ბილი პორტერი, ლენა ვეითი და სინტია ერივო მაიკროსოფტის თეატრში 2022 წლის BET Awards-ს დაესწრნენ.
Fireboy DML
ნიგერიელი მომღერალი Fireboy DML თეატრის სცენაზე კომპოზიციას ასრულებს.
Joey Bada$$ & Chance the Rapper
BET Awards-ის სცენა დაიკავეს ჰიპ ჰოპ არტისტებმა, ჯოუი ბედესმა და ჩენს დე რეპერმა.
კირკ ფრანკლინი & Maverick City Music
ამერიკელი მუსიკოსი, კირკ ფრანკლინი კოლექტივის Maverick City Music წევრებთან, ბრენდონ ლეიქთან და ჰეროლდ ბრაუნთან ერთად პერფორმანსით წარდგა.
ჯეკ ჰარლოუ და ლილ უეინი
ცერემონიის მაყურებელმა ასევე იხილა რეპერების, ჯეკ ჰარლოუსა და ლილ უეინის პერფორმანსი.
ჯეკ ჰარლოუ და ბრენდი
ჯეკ ჰარლოუ BET Awards-ის სცენაზე მომღერალ ბრენდისთან ერთადაც გამოვიდა.
ლიზო
მომღერალმა ლიზომ მაიკროსოფტის თეატრში ღონისძიება მბრწყინავი კოსტიუმით შემოსილმა გახსნა.
მუნი ლონგი
დაჯილდოების დამსწრეთა წინაშე პერფორმანსით წარდგა ახალბედა მუსიკოსი, მუნი ლონგიც.
შონ დიდი კომბსი
ჰიპ ჰოპ არტისტ და პროდიუსერ Diddy-ს საღამოზე BET Awards-ის პრესტიჟული ჯილდო გადაეცა კარიერული მიღწევებისთვის.
ბრუნო მარსი
მაიკროსოფტის თეატრს ესტუმრა მუსიკოსი ბრუნო მარსიც.
მერაია ქერი
ყოველწლიურ დაჯილდოების სცენაზე მაყურებლებმა პოპვარსკვლავი მერაია ქერიც იხილეს. პერფორმანსის შემდეგ მან დამსწრეთა ოვაცია დაიმსახურა.
