ჰელოუინი დამთავრდა და დრო მოვიდა, საახალწლო მზადება დავიწყოთ. კალენდარზე პირველი ნოემბერია და მერაია კერიმ თავისი სეზონური პოსტით შეგვახსენა, თუ რისი დროა ახლა.
ვიდეო შავ-თეთრი სცენით იწყება, სადაც ჯადოქრად გადაცმული მომღერალი ჰელოუინის ფონზე ველოსიპედზე ზის. თუმცა კალენდრის 1-ლი ნოემბრის ფურცელი ყველაფერს ცვლის და უცებ ზამთრის ზღაპარში ვხვდებით. კერი გვატყობინებს, რომ “დროა” და, რა თქმა უნდა, იწყება სიმღერა “All I Want for Christmas Is You”.
მერაია კერი უდავოდ შობის დედოფალია ამ სიმღერით, რომელიც 1994 წელს გამოუშვა და ბოლო წლების განმავლობაში ბილბორდის ცხელ ასეულში რამდენჯერმე მოხვდა პირველ ადგილზე. “All I Want for Christmas Is You” ყველაზე პოპულარულ სადღესასწაულო სიმღერადაც დასახელდა.
ნახეთ მომღერლის პოსტი
