2023 წლის ოსკარის დაჯილდოებამდე დეკემბერში, ე.წ. მოკლე სიის (Short List) კენჭისყრა გაიმართება. კენდრიკ ლამარმა ჟურნალ Variety-თან საუბრისას მოკლემეტრაჟიანი ფილმის We Cry Together-ის შესახებ ისაუბრა.
ფილმი We Cry Together კენდრიკ ლამარის და ტეილორ პეიჯის ურთიერთობას აღწერს. ფილმში ტოქსიკურობის, დაუცველობის განცდა საზღვრებში და ჩარჩოებში აქცევს ადამიანს. თუ ფილმი ოსკარის დაჯილდოებაზე ნომინაციაში იქნება წარდგენილი, ის საუკეთესო მოკლემეტრაჟიანი ფილმების კატეგორიაში მოხვდება.
„ფილმი ჩემთვის ერთგვარი გამოწვევა იყო, რამაც საშუალება მომცა, რასაც ვწერდი და ვქმნიდი, იქ რეალური ვყოფილიყავი. ეს რეალობა და სინამდვილის განცდა კი, ფილმში ტეილორ პეიჯთან ერთად განვიცადე. მახსოვს, როდესაც პერსონაჟს ვქმნიდი და ვთამაშობდი, ვფიქრობდი, რომ ჩემში რაღაც ახალი იღვიძებდა. მისგან ენერგიას, ვნებას ვიღებდი და ვგრძნობდი, რომ ეს ყველაფერი ცოცხალი, პირდაპირი და ნამდვილი იყო.“ თქვა კენდრიკ ლამარმა.
კენდრიკ ლამარმა ფილმი დეივ ფრისა და ჯეიკ შრაიერთან ერთად გადაიღო. ინტერვიუს დროს დეივ ფრიმ აღნიშნა: „როდესაც ჩვენ ეს პროექტი დავიწყეთ, კენდრიკს სურდა ისეთ თემებს შეხებოდა, რომელსაც ჩვენ, საზოგადოება, თითქოს და თავს ვარიდებთ.”
ლამარის თქმით, ფილმი თავისუფლების საშუალებას აძლევდა: „როგორც პიროვნება, ბევრად უფრო თავისუფალი ვიყავი. ჩემი შიშების წინ ვიდექი და რისი თქმაც და გამოხატვაც მინდოდა, ზუსტად იმას ვაკეთებდი, უბრალოდ მხატვრულად. ამ ყველაფერმა საშუალება მომცა ჩემს ჭეშმარიტებაში უფრო ღრმად ჩამეხედა.“
ოსკარის ნომინაციაში საუკეთესო Live მოქმედების კატეგორიის „მოკლე სიაში“ (Short List), მხოლოდ ათი ფილმი მოხვდება. ფინალურ „ოსკარის“ დაჯილდოებამდე, ეს სია კიდევ შემცირდება და საბოლოოდ ხუთი ნომინანტი წარგება. საბოლოო სია კი, ოცდაერთ დეკემბერს გახდება ცნობილი.
კენდრიკ ლამარი 2019 წელს Black Panther-ს სიმღერა All the Stars-თვის, ორიგინალური სიმღერის კატეგორიაში უკვე იყო წარდგენილი.
კენდრიკ ლამარი და დეივ ფრიი გრემის დაჯილდოებაზე სიმღერისთვის The Heart Part 5 საუკეთესო მუსიკალური ვიდეოს კატეგორიაშიც არიან წარდგენილნი. ხუთი წლის წინ კი, ამავე კატეგორიაში, Humble-თვის შექმნილი ვიდეო კლიპისთვის კენდრიკ ლამარმა და დეივ ფრიიმ გაიმარჯვეს.
