წინანდლის ფესტივალი საიუბილეო სეზონს აღნიშნავს

2023 წელს ფესტივალი 31 აგვისტოდან 10 სექტემბრის ჩათვლის ჩატარდება.

წინანდლის კლასიკური მუსიკის საერთაშორისო ფესტივალი მეხუთე, საიუბილეო სეზონს აღნიშნავს. უკვე ცნობილია თარიღები – 2023 წელს ფესტივალი 31 აგვისტოდან 10 სექტემბრის ჩათვლით ტრადიციულად წინანდლის ისტორიულ მამულში ჩატარდება.

ფესტივალს, როგორც ყოველთვის, მსოფლიოში აღიარებული ვარსკვლავები ეწვევიან. საიუბილეო სეზონთან დაკავშირებით კი ორგანიზატორები მსმენელს განსაკუთრებულ პროგრამასა და მონაწილეების გამორჩეულ შემადგენლობას ჰპირდებიან. 

დავით საყვარელიძე – წინანდლის ფესტივალის გენერალური დირექტორი:

„2023 წელს ფესტივალს 5 წელი უსრულდება. ეს მნიშვნელოვანი თარიღია. ეს ის ზღვარია, რომლის გადალახვის შემდეგ ფესტივალი სხვა განზომილებაში გადადის და მნიშვნელოვან ადგილს იმკვიდრებს ქვეყნის და საზოგადოების ცნობიერებაში.

ძალიან რთული იყო პანდემიის წლებში ფესტივალის გამართვა, მაგრამ ჩვენ შევძელით, რომ წყვეტა არ ყოფილიყო და 100-მდე კონცერტი გავმართეთ, გქონდა 18 პირდაპირი ეთერი კლასიკური მუსიკის ყველაზე რეიტინგულ საერთაშორისო პლათფორმებზე, ვუმასპინძლეთ 70 მსოფლიოში აღიარებულ ვარსკვლავს. წინანდლის ფესტივალის წიაღში დაბადებულ პან-კავკასიურ ახალგაზრდულ ორკესტრს უკვე 8 ქვეყნიდან უერთდებიან მუსიკოსები და ეს ყველაფერი საოცარ ენერგიას ქმნის წინანდალში.

ჯანანდრეა ნოზედა და დავით საყვარელიძე

გვაქვს სასიხარულო ამბავი – მაესტრო ჯანანდრეა ნოზედა დაგვთანხმდა და ის კიდევ 3 წელი იქნება ჩვენი მუსიკალური ხელმძღვანელი. მაესტროს დატვირთული გრაფიკიდან გამომდინარე ეს შეთანხმება ურთულესი პროცესის შედეგია. ჯანანდრეა ნოზედა გახლავთ აშშ-ს ეროვნული სიმფონიური ორკესტრის სამხატვრო ხელმძღვანელი, ასევე, ციურიხის საოპერო თეატრის მუსიკალური დირექტორი, ლონდონის და ისრაელის სიმფონიური ორკესტრების მთავარი მოწვეული დირიჟორი. დროის დეფიციტის მიუხედავად, 2023 წლიდან ნოზედა წინანდლის ფესტივალის მუსიკალური ხელმძღვანელიც იქნება და ეს მნიშვნელოვანი შენაძენი ფესტივალის დამფუძნებლებლისა და მთელი გუნდის დაუღალავი შრომის შედეგია. სულ მალე გამოვაქვეყნებთ რეპერტუარს და მონაწილეთა სიას, რომელიც ძალიან შთამბეჭდავი იქნება. “ – დავით საყვარელიძე, წინანდლის ფესტივალის გენერალური დირექტორი.

Share
Tweet
Share
Share
Share

წინა სტატია

შერი თავის მეგობარ ბიჭზე საუბრობს

შემდეგი სტატია

დოლი პარტონმა კელი კლარკსონთან ის მომენტი გაიხსენა, როცა უიტნი ჰიუსტონის მიერ შესრულებულ I Will Always Love You-ს პირველად მოუსმინა

შეიძლება დაგაინტერესოთ

ნახეთ Billboard საქართველოს მიერ გადაღებული ვიდეოკლიპი ლეო დელიბის ცნობილ კომპოზიციაზე „ყვავილების დუეტი”

კომპოზიციას, ოპერიდან „ლაკმე”, სოფია მჭედლიშვილი და ირინა შერაზადიშვილი ასრულებენ. მომღერლებს აკომპანემენტს ნათია აზარაშვილი უწევს.
მეტი

თბილისის სახელმწიფო კამერულმა ორკესტრმა „საქართველოს სინფონიეტა“ და პიანისტმა თამარ ლიჩელმა ინდოეთში კონცერტი გამართეს

ეს არის პირველი შემთხვევა, როდესაც საქართველოსა და ინდოეთის ორკესტრების ურთიერთთანამშრომლობა შედგა.
მეტი

ქართველმა მუსიკოსებმა დელიბის ოპერიდან „ლაკმე” ცნობილი „ყვავილების დუეტი” ჩაწერეს

კომპოზიცია ირინა შერაზადიშვილმა და სოფია მჭედლიშვილმა შეასრულეს. მათ აკომპანემენტს ნათია აზარაშვილი უწევდა.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი

წინანდალში ბერლინის ფილარმონიული ორკესტრი „ევროპაკონცერტს” გამართავს

კონცერტი მაესტრო დანიელ ბარენბოიმის დირიჟორობით 2024 წლის 1-ელ მაისს წინანდლის ამფითეატრში გაიმართება. კონცერტში მონაწილეობას მიიღებს ქართველი მევიოლინე ლიზა ბათიაშვილი.
მეტი