10 წელი გავიდა მას შემდე, რაც ოსტინ ბატლერის დედა სიმსივნით გარდაიცვალა. მაშინ მსახიობი 23 წლის იყო. სატელევიზიო ინტერვიუში იგი საუბრობს, თუ რა რეაქცია ექნებოდა დედას მის წარმატებაზე.
„მგონია, რომ ძალიან ამაყი იქნებოდა. მან იმხელა მსხვერპლი გაიღო. სამსახური დატოვა, რომ კასტინგებსა და სამსახიობო კურსებზე ვეტარებინე. თვითონ კი გარეთ მიცდიდა და მერე ისევ უკან მივყავდი.”
ბატლერმა აღნიშნა, რომ სკოლის ასაკში დედამისსაც მსახიობობა უნდოდა. „ვფიქრობ, რომ ამ ცხოვრებას ორივე ჩვენგანისთვის გავდივარ. ის ჩემი საუკეთესო მეგობარი იყო და მგონია, რომ ძალიან ბედნიერი იქნებოდა.”
მსახიობმა დედის პიროვნულ თვისებებზეც ისაუბრა. „ის ყველაზე კეთილი ადამიანი იყო. ირგვლივ ყველაფერს ანათებდა და სიცოცხლით სავსე იყო. ყველას მიმართ სიკეთეს იჩენდა. მინდა, რომ ჩემით ამაყობდეს. მინდა, რომ ჩემში იცოცხლოს ისეთმა, როგორიც იყო.”
ნახეთ ნაწყვეტი ინტერვიუდან.
