ლედი გაგა ჰარლი ქუინის კოსტიუმით გამოჩნდა. მომღერლის ფოტო „ჯოკერის” მეორე ნაწილის გადასაღები მოედნიდან ვრცელდება.
ფოტოებში ხალხით გარშემორტყმული ლედი გაგას პერსონაჟი პოლიციის ოფიცრებს სასამართლოდან გამოჰყავთ. მას შავ-თეთრი მაისური, წითელი ქურთუკი და მოკლე შავი ქვედაბოლო აცვია.
მიუხედავად იმისა, რომ ინფორმაცია ჯერ დადასტურებული არ არის, როგორც ირწმუნებიან, ლედი გაგა ფილმში ჰარლი ქუინის როლს ასრულებს.
ფილმის რეჟისორმა ტოდ ფილიპსმა 14 თებერვალს ლედი გაგასა და ხოაკინ ფენიქსის გმირების ერთობლივი ფოტო გამოაქვეყნა.
თავად ლედი გაგამ „ჯოკერის” მეორე ნაწილში მონაწილეობა 2022 წელს ინსტაგრამზე გამოქვეყნებული ვიდეოთი დაადასტურა, სადაც ის და ხოაკინ ფენიქსი ერთად ცეკვავენ სიმღერაზე Cheek to Cheek, რომელსაც გაგა ტონი ბენეტთან ერთად ასრულებს.
Joker: Folie à Deux ეკრანებზე 2024 წლის 4 ოქტომბერს გამოვა.
