ლენი კრავიცმა ხუმრობით აღნიშნა, რომ ტეილორ სვიფტი მის გარდერობს ესტუმრა

სოციალურ ქსელში ტეილორ სვიფტიოს და ლენი კრავიცის ვიდეო გამოქვეყნდა, რომელიც 2023 iHeartRadio Music Awards-ის მიმდინარეობისას კულისებშია გადაღებული. 

„მომენტი, როცა ლენი კრავიცი და ტეილორ სვიფტი კულისებში ხვდებიან“ – წერია ვიდეოს აღწერაში, რომელიც iHeartRadio-ს ოფიციალურმა ანგარიშმა TikTok-ზე ატვირთა.

ვიდეოში ლენი კრავიცი სვიფტს ეხუტება და მიღებულ ჯილდოს ულოცავს.

ამის შემდეგ ლენი კრტავიცმა იხუმრა, რომ ტეილორ სვიფტმა თავისი კოსტიუმი პირდაპირ მისი გარდერობიდან აიღო. „ჩემს გარდერობს ესტუმრე, არა?“ – მიმართავს ტეილორს კრავიცი. სვიფტი კი პასუხად ამბობს, რომ ეს ლუქი ნამდვილად კრავიცით იყო შთაგონებული.

2023 iHeartRadio Music Awards-ის ცერემონიის მსვლელობისას სვიფტმა ექვს ნომინაციაში გაიმარჯვა და ჯილდო მიიღო. ამ ნომინაციებს შორის არის: წლის სიმღერა და საუკეთესო ტექსტი(Anti-Hero), TikTok-ის ტრენდი (Bejeweled), სემპლის გამოყენების საუკეთესო მაგალითი (Out of the Woods-ის სემპლი სიმღერაში Question…?), საუკეთესო პოპ ალბომი(Midnights) და iHeartRadio-ის „ინოვატორის სპეციალური ჯილდო“.

ჯილდოს მიღებისას სცენაზე ასულმა ტეილორ სვიფტმა აუდიტორიას სიტყვით მიმართა – „მიმაჩნია, რომ ყველაზე კარგი იდეები, ქმედებები და არჩევანი არის ის, რაც სრულიად ახალია, რაც პრეცედენტს ქმნის“ – აღნიშნა პოპ ვარსკვლავმა. 

ნახეთ ვიდეო, რომელშიც ტეილორ სვიფტის და ლენი კრავიცის შეხვედრაა ასახული:

@iheartradio “oh you went in MY closet” 😂 #iHeartAwards2023 ♬ original sound – iHeartRadio