Racing Green Hoojey – მწვანე „ხულიგანკას” ისტორიები Melqo-ს ახალ ჰიპ-ჰოპ კომპოზიციაში

Melqo

Melqo მსმენელს ახალ სიმღერას უზიარებს – ამჯერად ჰიპ-ჰოპ კომპოზიციას სახელწოდებით Racing Green Hoojey. „ჰიპ-ჰოპში თავის გამოცდა ძალიან სახალისო პროცესია. ყოველი ვერსით ისევ ის ცელქი, ღიმილიანი ბიჭი ვხდები, ყულაბიდან დანით ამოქექილი ხურდით „ემენდემსებს” რომ არიგებდა უბანში” – წერს მუსიკოსი სოციალურ ქსელში. ბილბორდ საქართველოსთან საუბრისას კი სიმღერის ისტორიას ჰყვება.

Melqo:

„ეს არის დაახლოებით 2000-იანი წლების დასაწყისის კრებითი სახე. მაშინ ე.წ. „ხულიგანკა” bmw ყველას მოსწონდა, ჩემს ასაკში განსაკუთრებით. ყველაფერი რაც ხდებოდა, ხდებოდა „ხულიგანკაში”, ანუ ძველ bmw E90-ში. მაგითი მიდიოდნენ გარჩევაზე, გასართობად… მოკლედ, საოცნებო მანქანა იყო. მაგითი თუ გამოჩნდებოდი, ესე იგი სერიოზული ადამიანი იყავი – „ხულიგანი”, ასე ვთქვათ. Აი, მაგ პერიოდის გამოძახილია ეს სიმღერაც და თან ჩემს მეგობრებს მივუძღვენი, რომლებიც ვიცი, რომ ახლაც თავის „ხულიგანკებში” ან ახალ bmw-ებში სხედან, უსმენენ და მუსიკას თავს აყოლებენ.

საერთოდ ჩემთვის ჰიპ-ჰოპი პირდაპირი გამოძახილია, გაუფილტრავი და უხეში. Აქ იმდენად ნამდვილი ხარ, რომ პირველადი იმპულსი გამოდის. პირველადი იმპულსი კი ჩემთვის დაკავშირებულია ყოველთვის ბავშვთან და იმ ბავშვობასთან, რომლიდანაც მოდიხარ. მეც ეგეთი „ხულიგანი” ბავშვი ვიყავი, „ემენდემსებს” რომ ვარიგებდი მოპარული ფულით და აი, ეგ გამოვამჟღავნე ამ სიმღერით.

ზოგადად ჰიპ-ჰოპი ჩემი მნიშვნელოვანი ნაწილი და შემადგენელია. ეს Racing Green Hoojey უცხოელი არტისტის ინსტრუმენტალზეა შექმნილი. თუმცა ახლა ვაპირებ ჰიპ-ჰოპ EP-ს გამოშვებას, რომელიც უკვე ქართველი მუსიკოსების ბითებზე იქნება გაკეთებული. ბევრი ნიჭიერი ახალგაზრდა მუსიკოსია საქართველოში. მათ ინსტრუმენტალებს ვაგროვებ და მინდა, რომ მათთან კოლაბორაცია გავაკეთო. EP-ს გამოშვებას ზაფხულში ვგეგმავ.”

მოუსმინეთ Melqo-ს Racing Green Hoojey-ს

Share
Tweet
Share
Share
Share

წინა სტატია

ბიონსე Time-ის 2023 წლის ყველაზე გავლენიან ადამიანთა სიაშია

შემდეგი სტატია

ლეგენდარული ჯაზ პიანისტი აჰმად ჯამალი 92 წლის ასაკში გარდაიცვალა.

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი