ბენდმა Thirty Seconds to Mars ახალი ალბომი დააანონსა. It’s the End of the World But It’s a Beautiful Day – ასე ჰქვია მუსიკალური კოლექტივის რიგით მეექვსე სტუდიურ ალბომს და ის 2023 წლის სექტემბერში გამოიცემა.
ალბომის დაანონსების აღსანიშნავად, ჯგუფმა ახალი სიმღერა – Stuck და მასზე გადაღებული მუსიკალური ვიდეო წარადგინა. ვიდეოს რეჟისურა თავად ბენდის ვოკალისტს, ჯარედ ლეტოს ეკუთვნის.
„დედაჩემის შემოქმედებითი ბუნების წყალობით, მე და ჩემს ძმას ბავშვობიდანვე ხელოვნებისა და ფოტოგრაფიისადმი სიყვარული ადრეული ასაკიდანვე გაგვიჩნდა. – აღნიშნა ჯარედ ლეტომ. „Stuck ჩვენი პირველი სიმღერაა უკანასკნელი 5 წლის განმავლობაში და ის არის სიყვარულის გზავნილი ჩემი საყვარელი ფოტოგრაფების მისამართით. ესენი არიან არტისტები, რომლებმაც დიდი გავლენა მოახდინეს ჩემზე – რიჩარდ ავედონი, ირვინგ პენი, რობერტ მეპლტორპი, დაიან არბუსი, ჰერბ რიტსი და სხვები. ესენი არიან არტისტები, რომლებმაც შეცვალეს ჩემი აღქმა და ახალი შესაძლებლობები დამანახეს“ – თქვა ჯარედ ლეტომ.
Stuck უკანასკნელ ხუთ წელიწადში Thirty Seconds to Mars-ის პირველი მუსიკალური ნამუშევარია. მაისში ჯგუფი BBC Radio 1-ის პროექტის Big Weekend-ის სტუმარი იქნება, აგვისტოში კი ფესტივალ Lollapalooza-ს სცენაზე წარდგება. გარდა ამისა, Thirty Seconds to Mars ოქტომბერში ლას ვეგასში დაგეგმილი ფესტივალის, სახელწოდებით When We Were Young Festival ერთ-ერთი მონაწილეა.
ნახეთ მუსიკალური ვიდეო, რომელიც გადაღებულია სიმღერაზე Stuck:
