ტეილორ სვიფტი და სელენა გომესი MTV-ის კინოსა და ტელევიზიის 2023 წლის დაჯილდოების მუსიკალური კატეგორიების გამარჯვებულები გახდნენ. ცერემონიაზე ყველაზე მეტი ჯილდო HBO-ს სერიალმა The Last of Us-მა დაიმსახურა.
სვიფტის Carolina ფილმიდან Where the Crawdads Sing საუკეთესო სიმღერად დასახელდა. ნომინაციაში წარდგენილნი იყვნენ ასევე დემი ლოვატო, ლედი გაგა, რიანა, Doja Cat და OneRepublic.
გომესის My Mind & Me კი საუკეთესო მუსიკალურ დოკუმენტურ ფილმად დასახელდა. მისი კონკურენტები იყვნენ ფილმები Halftime, Love Lizzo, Sheryl და The Day the Music Died: The Story of Don McLean’s American Pie.
ამერიკის მწერალთა გილდიის გაფიცვის გამო, წელს MTV -ის კინოსა და ტელევიზიის დაჯილდოება ეთერში ჩანაწერით გავიდა. დრიუ ბერიმორმა, რომელიც შოუს წამყვანი უნდა ყოფილიყო, გაფიცული სცენარისტების სოლიდარობის ნიშნად ღონისძიების გაძღოლაზე უარი განაცხადა.
Ნახეთ MTV-ის კინოსა და ტელევიზიის დაჯილდოების 2023 წლის გამარჯვებულთა სია:
Საუკეთესო ფილმი – Scream VI
Საუკეთესო შოუ – The Last of Us
Საუკეთესო შესრულება ფილმში – ტომ კრუზი, Top Gun: Maverick
Საუკეთესო გმირი – პედრო პასკალი, The Last of Us
Საუკეთესო ანტიგმირი – ელიზაბეთ ოლსენი, Doctor Strange in the Multiverse of Madness
Საუკეთესო კოცნა – მედისონ ბეილი და რუდი პენკოუ, Outer Banks
Საუკეთესო კომედიური შესრულება – ადამ სენდლერი, Murder Mystery 2
საეტაპო შესრულება – ჯოსეფ ქუინი, Stranger Things
Საუკეთესო ბრძოლა – კორტნი კოქსი და Ghostface, Scream VI
ყველაზე შეშინებული შესრულება – ჯენიფერ კულიჯი, The White Lotus
Საუკეთესო დუეტი – პედრო პასკალი და ბელა რამსი, The Last of Us
Საუკეთესო სამსახიობო გუნდი – Stranger Things
Საუკეთესო სიმღერა – ტეილორ სვიფტის Carolina (Where the Crawdads Sing)
Საუკეთესო რეალითი შოუ – RuPaul’s Drag Race: All-Stars
Საუკეთესო წამყვანი – დრიუ ბერიმორი, The Drew Barrymore Show
Საუკეთესო რეალითი ეკრანული გუნდი – Vanderpump Rules
Საუკეთესო მუსიკალური დოკუმენტური ფილმი – სელენა გომესის My Mind & Me
