2023 წლის აპრილში SZA-ს სინგლი Kill Bill ჟურნალ Billboard-ის ჩარტების რეკორდსმენი კომპოზიცია გახდა. ის არის ქალი არტისტის პირველი სინგლი, რომელიც Hot R&B/Hip-Hop Songs ჩარტებში პირველ ადგილს ყველაზე დიდხანს იკავებდა.
ამჯერად SZA-მ კიდევ ერთი რეკორდი მოხსნა. მისი ალბომი სახელწოდებით SOS გახდა სოლო შემსრულებელი ქალის პირველი ალბომი, რომელმაც Top R&B/Hip-Hop Albums ჩარტების 58-წლიანი ისტორიის განმავლობაში, პირველი ადგილი ყველაზე დიდხანს შეინარჩუნა.
მაისის შუა რიცხვების მონაცემებით, SOS ჩარტების აღნიშნული კატეგორიის ლიდერ პოზიციას უკვე მე-18 კვირაა იკავებს. SZA-მ ამ შედეგით არეთა ფრანკლინის რეკორდი გააუმჯობესა. არეთა ფრანკლინის ალბომი, სახელწოდებით Aretha Now, 1968 წელს 17 კვირის განმავლობაში იყო ჩარტების პირველი ადგილის მფლობელი. აღსანიშნავია, რომ არეთა ფრანკლინი სწორედ ის სოლო შემსრულებელი ქალი არტისტია, რომელიც Top R&B/Hip-Hop Albums ჩარტების ლიდერი ყველაზე მეტჯერ გახდა.
