Bedford Falls-ის კონცერტი Tbilisi Factory-ში

Tbilisi Factory-ში გამართული კონცერტი ქართულმა ალტერნატიულმა ჯგუფმა Mechanical Rainbow-მ გახსნა.

14 მაისს Bedford Falls ევროპულ ტურნეს იწყებს, რომლის ფარგლებშიც კონცერტები ხუთ სხვადასხვა ქალაქში ჩატარდება. ტურნეში გამგზავრებამდე ბენდი ქართველი მსმენელის წინაშე კიდევ ერთხელ წარდგა – Bedford Falls-ის კონცერტი 12 მაისს Tbilisi Factory-ის მულტიფუნქციურ სივრცეში გაიმართა. ლაივი იმითაც განსაკუთრებული იყო, რომ სწორედ ამ დღეს ბენდმა ახალი სტუდიური ალბომი, სახელწოდებით „miende.“ წარადგინა. კონცერტზე მსმენელს საშუალება ჰქონდა ნაცნობ ტრეკებთან ერთად, ახალ ალბომში შესული კომპოზიციებიც მოესმინა. 

Bedford Falls-ის ლაივები ყოველთვის აუდიტორიის აქტიური ჩართულობით გამოირჩევა, რაც კონცერტის მსვლელობისას განსაკუთრებულ ენერგეტიკას ქმნის. გამონაკლისი არც ეს შემთხვევა იყო – მიუხედავად იმისა, რომ Bedford Falls-ის  ახალი ტრეკები სულ რამდენიმე დღეა რაც გამოქვეყნდა, მსმენელისათვის თითოეული მათგანის ტექსტი და მელოდია უკვე  კარგად ნაცნობი იყო. 

დათო ჯიქია,  Bedford Falls-ის ფრონტმენი:

„ერთ-ერთი მთავარი ფაქტორი რატომაც მუსიკის კეთებას ვაგრძელებთ, არის ის, რომ მსმენელს ჩვენი მუსიკა უყვარს და ამას ყოველ ლაივზე გვაჩვენებს. ზოგიერთი ტრეკი ორი კვირის წინ გამოვიდა, მაგრამ ტექსტი უკვე იცოდნენ, რაც ძალიან მაგარია.“

რაც შეეხება miende.-ს, ალბომი 12 მაისს გამოიცა და ის ყველა მუსიკალურ პლატფორმაზეა ხელმისაწვდომი.

Tbilisi Factory-ში გამართული კონცერტი ქართულმა ალტერნატიულმა ჯგუფმა Mechanical Rainbow-მ გახსნა. Mechanical Rainbow 2018 წელს ჩამოყალიბდა. ბენდის მუსიკალური შემოქმედება აერთიანებს ინდი-პოპს, Bedroom პოპს და თანამედროვე ფსიქოდელიური ჟანრის ჟღერადობას. Mechanical Rainbow ხუთი წევრისაგან შედგება – დავით დონაძე (ვოკალი), ცოტნე ბაღდავაძე(ბასი), დავით შავდათუაშვილი(გიტარა), ნინი ბენდიანიშვილი(კლავიში) და დიმა დიასამიძე (დრამი). 

დავით დონაძე, Mechanical Rainbow-ს ვოკალისტი: 

„წელიწად-ნახევარი საზღვარგარეთ ვმოღვაწეობდით და ისე გამოვიდა, რომ ეს დრო ქართული მუსიკალური სცენისგან იზოლირებული ვიყავით. როდესაც დავბრუნდით და ლაივებზე გამოვედით, აღმოვაჩინეთ, რომ მსმენელმა ჩვენი სიმღერები მოსალოდნელზე მეტად კარგად მიიღო, არ ველოდებით რომ მსმენელი ჩვენს სიმღერებს აჰყვებოდა და ტექსტები ზეპირად ეცოდინებოდა.“

Mechanical Rainbow უახლოეს მომავალში ახალი სიმღერის გამოშვებას აპირებს. ბენდი წელს ასევე დაუკრავს Tbilisi Open Air-ის Singer Stage-ზე. 

Share
Tweet
Share
Share
Share

წინა სტატია

შაკირამ ახალი სიმღერა თავის შვილებს მიუძღვნა

შემდეგი სტატია

დიმიტრი კრიმოვი

დიმიტრი კრიმოვის შემოქმედებითი საღამო სოხუმის თეატრში

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი