შაკირამ ახალი სინგლი სახელწოდებით Acróstico გამოუშვა, რომელიც თავის შვილებს – მილანს და საშას მიუძღვნა. წელს შეერთებულ შტატებში დედის დღე 11 მაისს აღინიშნებოდა და მომღერალმა ტრეკი სწორედ ამ დღეს გამოაქვეყნა. სიმღერის ტექსტში შაკირამ შვილებისადმი საკუთარი დედობრივი სიყვარული გამოხატა.
სიმღერის ტექსტი პოეტური კომპოზიციაა და ისეა დაწერილი, რომ თითოეული სტრიქონის პირველი ასო შაკირას შვილების ინიციალებს აღნიშნავს. ტექსტის ეს სტრუქტურა ანიმაციურ კლიპში ვიზუალურადაც არის ნაჩვენები.
ვარსკვლავს ახლახან Billboard Latin Women in Music-ის ცერემონიაზე ჯილდო გადაეცა და წლის ქალ მუსიკოსად დასახელდა. საცხოვრებლად მაიამიში გადასვლის შემდეგ ეს დაჯილდოება პირველი შემთხვევა იყო, როცა შაკირა საჯაროდ გამოჩნდა. სცენაზე გამოსვლისას მომღერალს აუდიტორია ხანგრძლივი ოვაციებით შეხვდა. შაკირამ საჯარო სიტყვა წარმოთქვა. თავის შემოქმედებით კარიერასა და მიღწეულ წარმატებაზე საუბრისას მან მადლობა გადაუხადა დედას, მეგობრებს და ზოგადად ქალებს.
ნახეთ შაკირას ახალი მუსიკალური ვიდეო, რომელიც გადაღებულია სიმღერაზე Acróstico:
