სემ სმითმა განაცხადა, რომ ბრაზილიელ მომღერალ Anitta-სთან ერთად ახალ სიმღერაზე მუშაობს. „ანიტას ენერგია გასაოცარია. ჩვენ შორის იმ წამსვე დამყარდა კავშირი და ეს თანამშრომლობა ისეთი განსაკუთრებული გახადა, რომ ნამდვილი მეგობრობა შედგა” – აღნიშნა სმითმა.
Anitta-მ დაამატა, რომ ის მომავალში ისეთ სიმღერებზე მუშაობას გეგმავს, რომლებიც მის პიროვნებას წარმოაჩენს. „იმდენი გავაკეთე, რომ ხალხის ყურადღება უკვე მოვიპოვე. ახლა კი კარგი მომენტია, გამოვუშვა ალბომი, რომელიც ბოლოს და ბოლოს ისაა, რისიც მჯერა. ახლა როდესაც ხალხის ყურადღება მაქვს, უკვე შემიძლია ჩემი თავი ვიყო.”
Anitta არ არის ერთადერთი არტისტი, რომელთან დუეტიც სემ სმითმა დააანონსა. მომღერალმა ცოტა ხნის წინ სოციალურ ქსელში ვიდეო გაავრცელა, რომლითაც გულშემატკივარს მისი და მადონას თანამშრომლობის შესახებ აცნობა.
