Snoop Dogg-ის სადებიუტო სტუდიურ ალბომს Doggystyle 30 წლის იუბილე შეუსრულდა. მუსიკოსი ამ თარიღის აღნიშვნას 27 და 28 ივნისს ორი კონცერტით გეგმავდა. თუმცა სცენარისტების გაფიცვის გამო, რეპერს შოუების გადადება მოუწია.
„მწერალთა გილდიის გაფიცვისა და მიმდინარე მოლაპარაკებების გამო, გადავწყვიტეთ, რომ შოუები გადავდოთ. ჩვენ გაფიცულებს სოლიდარობას ვუცხადებთ და იმედი გვაქვს, რაც შეიძლება სწრაფად დაკმაყოფილდება მათი სამართლიანი მოთხოვნები და ყველანი შევძლებთ, სამუშაოს დავუბრუნდეთ,” – დაწერა Snoop Dogg-მა ინსტაგრამზე. გამოქვეყნებულ ვიდეოში კი რეპერი ამბობს: „მე და Dr. Dre სოლიდარობას ვუცხადებთ სცენარისტებს. ასე რომ, კონცერტებს 20 და 21 ოქტომბრისთვის გადავდებთ.”
ამერიკის მწერალთა გილდიის გაფიცვა პირველ მაისს მას შემდეგ დაიწყო, რაც სცენარისტებმა კინოსა და ტელევიზიის პროდიუსერთა გაერთიანებასთან შეთანხმებას ვერ მიაღწიეს.
ნახეთ Snoop Dogg-ის ვიდეო
