ლედი გაგა Pfizer-ის რეკლამაში მონაწილეობს

ივნისი შაკიკისა და თავის ტკივილის შესახებ ცნობიერების ამაღლების თვეა და ეს რეკლამაც სწორედ ამ თემის ფარგლებში მომზადდა.
ფოტო: არტურო ჰოლმსი/Getty Images

მუსიკოსმა ლედი გაგამ ფარმაცევტულ კომპანია Pfizer-თან ახალი რეკლამის ფარგლებში ითანამშრომლა. ივნისი შაკიკისა და თავის ტკივილის შესახებ ცნობიერების ამაღლების თვეა და ეს რეკლამაც სწორედ ამ თემის ფარგლებში მომზადდა. შაკიკი ხშირად აღიქმება, როგორც თავის ძლიერი შეტევითი ტკივილი, თუმცა, რეალურად ის ნევროლოგიური დაავადებაა. დაავადების შესახებ სწორი ინფორმაციის გავრცელებას ეხება Pfizer-ის ახალი რეკლამაც. 

რეკლამაში ლედი გაგას გამოჩენა შემთხვევითი არ არის – 13 გრემის მფლობელ არტისტს შაკიკის დიაგნოზი მაშინ დაუსვეს, როცა ის 14 წლის იყო.

„შაკიკი სრულიად უუნაროს მხდიდა. დღეების განმავლობაში საწოლში ვიწექი და თავისა და სახის არეში ძლიერ ტკივილს ვგრძნობდი.“ – აღნიშნა ვარსკვლავმა Pfizer-თან საუბრისას. „არ შემეძლო კითხვა, ან სინათლეში ყოფნა. მარტო ვრჩებოდი წყნარ ოთახში საათობით, ხანდახან დღეების განმავლობაშიც – სანამ ტკივილი არ გაქრებოდა.“

Pfizer-ის ახალ რეკლამაში ლედი გაგას 2022 წლის საკონცერტო ტურნეს –  Chromatica Ball tour-ის ჩანაწერიდან ფრაგმენტული კადრები ჩანს. „მე ვიცი რას ნიშნავს სცენაზე ტკივილთან ერთად დგომა.“ – ისმის რეკლამაში გაგას ხმა. ვიდეოს ბოლოს კი ვარსკვლავი  Pfizer-ის მედიკამენტს – Nurtec ODT-ს წარადგენს, რომელიც შაკიკის საწინააღმდეგო  პრეპარატია. 

გასულ წელს ლედი გაგამ Chromatica Ball tour-ის ფარგლებში სანახაობრივი შოუები მსოფლიოს მასშტაბით გამართა. მისი კონცერტები ევროპაში, აზიასა და ჩრდილოეთ ამერიკაში ჩატარდა. შოუების სერია არტისტის მე-6 სტუდიური ალბომის – Chromatica-ს მხარდასაჭერი საკონცერტო ტურნეს ფარგლებში მიმდინარეობდა. 

ნახეთ Pfizer-ის რეკლამა ლედი გაგას მონაწილეობით:

Share
Tweet
Share
Share
Share

წინა სტატია

პოლ მაკარტნი და ჯონ ლენონი - ფოტო: ბეტმანი

პოლ მაკარტნის თქმით Beatles – ფინალური სიმღერის შესაქმნელად AI-ს ხელოვნურ ინტელექტს იყენებს

შემდეგი სტატია

LOUDspeakers-ის სიმღერას –  In This World პლატფორმა Youtube-ზე მილიონი ნახვა აქვს

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი