საქველმოქმედო ფონდმა, სახელწოდებით The Shawn Carter Foundation, რომლის დამფუძნებლები Jay-Z და რეპერის დედა გლორია კარტერი არიან, ნიუ იორკში სპეციალური საღამო გამართა. საქველმოქმედო საღამოზე ფონდმა 20 მილიონი დოლარის შეგროვება შეძლო. ეს თანხა სოციალურად გაჭირვებული ადამიანების განათლების დაფინანსებას მოხმარდება.
The Shawn Carter Foundation-ს 10 მილიონი დოლარი „ამაზონის“ დამფუძნებელმა ჯეფ ბეზოსმა გადასცა. 2 მილიონი დოლარი კი „ტვიტერის“ ყოფილმა მფლობელმა, ბიზნესმენმა ჯეკ დორსიმ გაიღო.
Jay-Z-მ და გლორია კარტერმა საქველმოქმედო ფონდი 2003 წელს დააფუძნეს. ეს საღამო კი ორგანიზაციის 20 წლის იუბილეს მიეძღვნა.საქველმოქმედო მიღებას მუსიკის, სპორტის, ბიზნესისა და შოუ ბიზნესის სამყაროდან არაერთი ცნობილი ვარსკვლავი ესწრებოდა. Მათ შორის იყო ბიონსეც, რომელმაც სოციალურ ქსელში ღონისძიებაზე გადაღებული ფოტოები გამოაქვეყნა.
The Shawn Carter Foundation უკვე მრავალი წელია ფოკუსირებულია კოლეჯის სტიპენდიებზე, საზღვარგარეთ სწავლის გაგრძელების ფინანსურ მხარდაჭერაზე, ჯანდაცვის პროგრამების დაფინანსებასა და გაჭირვებული ოჯახებისა და ახალგაზრდების სხვადასხვაგვარ დახმარებაზე.
